Arídú arídúadei

Apríl í myndum....

2009-04-20T23:12:00.007+01:00

Aprílmánuður byrjaði vel fyrir menningarvitana. Eftir ótrúlega skemmtilega Queen tribute tónleika hinn merka dag 26. mars kom færeyski söngfuglinn Eivör norður yfir heiðar og heiðraði okkur með nærveru sinni. Barkinn hennar inniheldur ekki bara rödd, hann er hreinlega hljóðfæri. Gæsahúðin kættist svo mjög að hún var viðvarandi næstu daga á eftir.

Hér má sjá hvernig hún beitir tungunni af hreinni snilld...

Annar stórviðburður í lífi mínu átti sér stað föstudaginn 17. apríl síðastliðinn. Þá fór ég í laseraðgerð á augunum til að endurheimta fulla sjón... þ.e. án þess að þurfa að styðjast við hjálpartæki eins og gleraugu eða linsur. Aðgerðin heppnaðist í alla staði vel og nú get ég fylgst með minnstu smáatriðum í kring um mig, óháð veðri og vindum :)

Mikið rosalega er maður nú smekklegur og sexý svona blindur og fínn beint eftir aðgerðina...

Á laugardaginn var var svo glímt um Grettisbeltið, dýrasta verðlaunagrip landsins. Þar tók frændgarður minn þátt, hvorki meira né minna en helmingur þátttakenda (4/8) sem er þess heiðurs aðnjótandi að geta titlað sig systursyni eða bróðursyni mína... Já sæll!!! Ekkert smá heppnir þeir. Þeir stóðu sig með stakri prýði að vanda og skipuðu þrír þeirra efstu sætin, sem er alveg nýtt í sögu þessarar gömlu þjóðaríþróttar, svo einstakt fyrirbæri að þulurinn var búinn að nauðga frasanum um frændurna frá Baldursheimi. Hann kom reyndar með eina góða hugmynd... að halda Íslandsglímuna í Baldursheimi... en 100. glíman verður einmitt að ári. Mæli með því að skipuleggjendur athugi málið :)

Hérna eru verðlauna hafarnir þrír, Jón Smári og Pétur Eyþórssynir og svo Pétur Þórir Gunnarsson.

Hérna gefur svo að líta frændgarðinn, Einar Eyþórsson og Bjarni Þór Gunnarsson hafa bæst í hópinn. Gaurarnir í glímubúningunum kepptu allir um Grettisbeltið en litli grísinn í hvítu peysunni hafði keppt í grunnskólamóti fyrr um morguninn og verið í verðlaunasæti.

Hérna er svo sigurvegarinn í faðmi fjölskyldunnar.

Þeirri litlu leist nú ekki meira en svo á þegar karl faðir hennar byrjaði að glíma að hún brast í grát en virðist hafa róast í lokin allavega. Fjórði skjöldurinn með nafninu hans kominn á beltið góða og planið að fjölga þeim enn. Þess má geta að hann var aldursforsetinn á mótinu, einungis þrjátíu ára. Iss... það er enginn aldur :)

Karlaþjóð...!

2009-04-06T22:46:00.002+01:00

Horfið endilega á myndina ,,A nation without women" og spáið í það í leiðinni hverjir sátu fyrir svörum fyrir stjórnmálaflokkana á borgarafundi á RÚV í kvöld...

Barði snillingur

2009-04-03T15:53:00.002+01:00

Barði (í Bang Gang) er snillingur og sá allra kaldhæðnasti í heimi hér held ég bara hreinlega. Hann var í viðtali á Rás 2 núna rétt áðan og endaði á þessari snilld:

Eins og fólk með aflitað hár segir svo oft: ,,Af hverju að vera í fýlu þegar þú getur verið hress?"

Ég bara hélt ég myndi drepast úr hlátri, og það undir stýri í miðbæ höfuðstaðar Norðurlands og það á háannatíma á föstudegi.

Þrek!

2009-04-01T12:58:00.002+01:00

Djö... að maður skuli ekki vera duglegri að hreyfa sig. Manni líður svo óendanlega vel eftir að hafa púlað duglega. Ahhh...! :)

Fótbolti!

2009-03-29T23:56:00.002+01:00

Ég kíkti á fótboltamót hjá 9 ára frænda mínum í dag. Ég hef bara heyrt sögur af svona mótum, en ekki upplifað þetta sjálf. Ég verð að segja að mér finnst foreldrarnir aðeins vera að tapa sér. Þarna stóðu þau á orginu og hvöttu börnin sín mest áfram þegar þau höfðu tæklað einhvern andstæðinginn af krafti. Þau stóðu flest öll inni á vellinum sjálfum, hoppandi þar og skoppandi eins og bavíanar hreinlega. Ég fékk rosalegan kjánahroll.

Skattframtal 2009...

2009-03-25T14:46:00.002Z

Ég sat í síðustu viku yfir þessu og rakst á múra í nánast öllum atriðum. Ég sótti því um frest en í dag réð ég fólk til að gera þetta fyrir mig. Ekki það að mitt framtal sé eitthvað flókið, það er bara eignarlausa ég en það er ýmislegt sem getur verið nógu flókið samt...

Beðið eftir U2

2009-03-24T11:12:00.003Z

Ég hélt ég væri búin að missa af U2 í Gautaborg... en það gæti farið svo að ég komist yfir miða 1. ágúst... Ég bíð bara :) Annars fer ég bara í NY :D Eða bara bæði :D :D

Fúlar á móti!

2009-03-19T14:41:00.002Z

Frábært leikrit! Algjört æði, ég fékk strengi í andlitið, maskara út á kinnar og leið bara þrusuvel í hjartanu mínu á eftir.

Þó er vert að hafa eftirfarandi atriði í huga:
1. Ef þú ert tepra... => Ekki láta þér detta í huga að fara á þetta leikrit
2. Ef þú ætlar að hafa þig til fyrir leikhúsferðina - Notaðu þá vatnsheldan maskara
3. Ef þú ert ekki búin að sjá þetta leikrit enn, en hyggst fara þá ráðlegg ég þér að byrja að æfa brosvöðvana sem fyrst því þú mátt reikna með ,,bros-boot-campi" hjá LA :)

Alveg spök...!

2009-03-10T13:07:00.001Z

Hafið þið pælt í því???

Prófið að svissa p-inu og k-inu í þessu orði... spök!

Bara pæling!

No Line On The Horizon

2009-03-05T22:40:00.001Z

Ég er alveg kolfallin fyrir nýju plötunni frá U2. Mér fannst dómarnir nú svolítið stórtækir þegar þeir fullyrtu að þetta væri besta plata U2 í fleiri tugi ára... og ekki breyttist skoðun mín þegar ég heyrði plötuna í fyrsta skipti. Eftir nokkur skipti í viðbót er ég bara farin að taka undir þetta.

Þessi plata er ALGJÖRT æði. Var alveg kominn tími á hana :)

Jeminn!

2009-02-20T15:22:00.002Z

Ég elska fæðingar sem ganga vel og allt gengur eins og í lygasögu, enginn rifnar og allir glaðir.

Ég hata líka að þurfa að horfa upp á afbökuð sköp.

En börnin eru alltaf jafnmikil krútt :)

Endemis vitleysa er þetta...

2009-02-17T17:25:00.002Z

...eins og mamma myndi segja.

Í þá tíð að ég vissi eitthvað um ,,Leiðarljós" (eru ansi mörg ár síðan) var Reava Shane látin. Ég frétti hins vegar af því frá einum af mínum vinkonum, sem er diggasti aðdánandi þáttanna sem ég þekki, að hún hefði verið lífguð við á einhvern ótrúlegan hátt. Í dag kem ég svo heim úr vinnunni í mesta sakleysi og kveiki á sjónvarpinu á meðan ég legg mér til munns jógúrt til að seðja sárasta hungrið. Í byrjun var ,,Fréttaaukinn" sem var bara áhugavert að horfa á en svo kom þessi snilldarsería á skjáinn. Og viti menn, þar eru menn að blása lífi í Reavu enn og aftur, í þetta skiptið með klónun. Af hverju missti ég eiginlega??? Og af hverju í ósköpunum horfi ég ekki reglulega á þessa þætti? Ég er farin að halda að það myndi gera mig að mun betri persónu, svo ekki sé minnst sé á betri lækni :Þ

Menning!

2009-02-13T11:13:00.003Z

Ég fór á ,,Falið fylgi" í gærkveldi. Félagsskapurinn var náttúrulega alveg hreint brilliant en leikritið sjálft ekki nema lala... Mér fannst þetta ofleikið og vandræðalegt. Eini sem oflék ekki er gamli halti maðurinn sem stóð sig mjög vel. Kannski var málið að það átti að ofleika, hvað veit ég. Ég gef mig ekki út fyrir að vera neinn sérstakur menningarviti þannig svo það getur vel verið að þetta sé inn í dag. Það fer allavega í taugarnar á mér hvort sem þetta er ,,trend" eður ei.

Er annars líka búin að sjá 2 mjög góðar myndir í bíó á síðustu vikum. Annars vegar ,,Slumdom millionair" sem er algjört æði, ljót, falleg, sorgleg og fyndin allt í fínni blöndu. Hins vegar ,,The curious tale of Benjamin Button" og hún skilur líka ýmislegt eftir sig. Ég get mælt með báðum þessum myndum fyrir bíógesti, þær hlýja manni um hjartarætur og hrista aðeins upp í manni líka, auk þess sem hláturstaugarnar eru líka kítlaðar.

Hárgreiðslustofan SP

2009-01-28T14:44:00.002Z

Rakaði hárið af stóra bróður í gærkveldi. Það var farið að detta af í flyksum. Þetta var í fyrsta skipti sem ég hafði alveg ENGAR áhyggjur af því hver útkoman yrði og ekki hann heldur. ,,Blessuð Solla mín vertu ekki að vanda þig svona við þetta, þetta dettur hvort eð er allt saman af í næstu sturtu."

Hugrenningar í morgunsárið

2009-01-21T11:00:00.002Z

Ég sit í rólegum hristingi í flugvél á leið norður í land. Ég er þreytt og mér er hálfóglatt. Ég hef lítinn áhuga á að horfa á fólkið í kring um mig og loka því bara augunum. Verður hugsað til þess hvað það væri nú gott að hafa skíðaúlpuna með loðhettunni til að kúra sig í eins... eins og þegar ég fór suður! DJÖ...!!! Fatta að úlpan er ekkert með í för heldur hangir hún í fataskáp í Hamravíkinni. Jæja, hef hvort eð er ekki tíma til að fara á skíði í vikunni.

Flugstjórinn rýfur þögnina: Góðir farþegar! Ég vil vekja athygli á að við nálgumst nú Eyjafjörðinn og munum fljúga inn í sterka austanátt þannig að það er viðbúið að það verði ókyrrð. Þetta er þó ekkert til að hafa áhyggjur af... Bla, bla, bla. Ég finn hvernig ógleðin eykst við tilhugsunina um ókyrrð. Og svo byrjar þetta, maginn æðir ýmist upp í brjósthol eða niður í grindarhol og ég verð að fara í hugleiðslu til að reyna að halda aftur af ógleðinni. ÉG SKAL SKO EKKI GUBBA!

Ég tóri í baráttunni við ógleðina og verð þeirri stundu fegnust þegar flugvélin lendir. Hjúkk!

Ég geng frá borði út í svalt morgunloftið og hugsa með ánægju til þess sem bíður mín, heilir 12 tímar á slysó. Ég veit ekki af hverju en mér verður hugsað til orða flugmannsins í fluginu suður sem var heldur meira ,,bumpy" en norðurleiðin.

,,Góðir farþegar! Þetta er flugstjórinn sem talar. Við erum að reyna að forðast sterka sunnanátt sem veldur þessari ókyrrð sem við erum að fara í gegnum núna. Þetta er ekkert til að hafa áhyggjur af, við biðjum ykkur að hafa sætisólarnar spenntar og halda kyrru fyrir í sætunum. Þetta er ekkert hættulegt og við vonumst til að sjá ykkur sem fyrst aftur..." Ég gat ekki annað en sprungið úr hlátri í fluginu. Áttaði mig reyndar á því að ég var sú eina sem fannst þetta hið minnsta kómískt, hinir voru efalaust uppteknir af að melta þau skilaboð flugstjórans að þetta væri ekkert hættulegt.

Ég vonast svo sannarlega til að sjá ykkur öll sem fyrst aftur :)

Á skíðum skemmti ég mér tralalala...

2009-01-15T18:37:00.002Z

Fór í fjallið í dag, í hundslappadrífu og hitastigi rétt um frostmark. Skellti mér auðvitað á nýju græjurnar og gekk bara vel. Færið var reyndar svolítið þungt þar sem það kyngir niður snjó svo maður varð rennandi blautur og það klístruðust saman á manni augnlokin á leiðinni niður.

Rosalega gaman samt :)

Ísrael vs. Palestína...

2009-01-13T22:17:00.003Z

Hafa ekki allir skoðun á þessum deilum? Ég vona það í það minnsta, en kannski eru þær misvel upplýstar. Ég hef það í það minnsta og fæ gæsahúð og fyllist viðbjóði þegar ég sé myndir á síðu 2 í Fréttablaðinu af 2 Palestínskum börnum sem féllu í bardaga. Það er bara eitthvað RANGT við þetta.

Kill Bill

2009-01-13T00:32:00.000Z

Ég var alveg búin að gleyma hvað Kill Bill 2 er ofur-kúl mynd.

Kvikmyndakossar!

2009-01-09T02:18:00.003Z

Það er EKKERT tilgerðarlegra í þessum heimi en tilgerðarlegir kossar í bíómyndum. Mér verður hreinlega óglatt að horfa á mjög kynþokkafullar kvikmyndapersónur kyssast af einskærri tilgerð. Jakk!

Vá!

2009-01-09T02:04:00.003Z

Humm... hafði ekki gert mér grein fyrir að ég hef ekki bloggað hérna síðan í lok september. Hef greinilega ekki haft mikla þörf fyrir að tjá mig. Það hefur samt ótrúlega margt borið á góma í lífi mínu síðustu mánuði og ég bara ætla ekki að eyða löngum tíma í eitthvert review bull að þessu sinni.

Nýtt ár, með nýjum markmiðum og fyrirheitum. Það eru ekki liðnir neitt rosalega margir dagar af árinu, ekki nema rétt rúm vika en samt hefur ótrúlega margt komið á daginn, sumt mjög miður.

Nýju ári fylgja ný áramótaheit og ég hef sett mér nokkur. M.a. að skrifa dagbók. Jebb! En ekki hérna á þessu bloggsvæði heldur í dagbók, gamaldags, innbundna dagbók, með penna og alles. Áramótaheitin eru skrifuð með skýrum stöfum fremst í bókina og ég hef bara staðið mig nokkuð vel... í alla þessa daga sem liðnir eru af árinu. En mig langar líka að vera duglegri að blogga, setti það ekki inn sem áramótaheit sem betur fer, því ég ætla að reyna að standa við áramótaheitin mín að þessu sinni. Og Hananú!

Af kverkaskít...

2008-09-29T23:49:00.002+01:00

Rosalega er maður nú sjúkur.

Ég er búin að vera á næturvöktum síðustu vikuna og held því áfram. Ég var með leiðinda kverkaskít og sennilega bara með hita og pest, EN hafði ekki samviskubit til að hringja mig inn veika, það er jú enginn smuga með veikindi. Ég mætti því í vinnuna og tók reglulega paratabs til að geta sinnt sjúkum, svaf svo helling á milli vakta en tók meðvitaða ákvörðun um að fara ekki í heimsóknir til að smita nú ekki vini og ættingja af þessu leiðinda kvefi... Best að smita bara veika fólkið á spítalanum. Djöfull er maður sjúkur. Ég var reyndar yfir mig vandvirk með sprittið allan tímann svo það er enginn skaði skeður.

Og ég er orðin frísk :)

Svipmyndir af sumri

2008-09-26T00:33:00.008+01:00

Ég veit upp á mig sökina. Hef ekki alveg verið með pennann í hönd undanfarið en þar sem ég er með kvefdruslu og þar af leiðandi með pirring í nefinu ætla ég að skella inn nokkrum myndum frá því í sumar.

Ég var held ég aldrei búin að sýna ykkur myndir úr Lofthellinum. Hérna fáið þið smá nasasjón en ekki vísbendingar um hvar hann er...

Ég var líka ansi dugleg við að ganga á fjöll, m.a. Bónda hérna við Eyjafjörðinn. Þaðan var náttúrulega hið besta útsýni...

Í góðum félagsskap á toppi tilverunnar :)

Ahh... nú er nefrennslið orðið helst til mikið og rúmið að verða helst til tælandi. Þar til síðar :)

Alveg sammála síðasta ræðumanni og eiginmanni hennar...

2008-09-09T20:18:00.002+01:00

Lesið þetta, færslu frá 6. september sl.

Ólympíusilfur...!!!

2008-08-27T18:50:00.004+01:00

Eins og ég var kát og glöð með þennan ótrúlega góða árangur íslenska landsliðsins í handbolta og stútfull af stolti, þá finnst mér þessi hamagangur í kring um þetta allt saman vera kominn út fyrir allan þjófabálk. Flott að taka vel á móti þeim og fagna og fara í skrúðgöngu eða hvað sem er, en að splæsa orðum á línuna finnst mér einum of. Annað sem mér finnst einum of er að kosta ráðherra til Kína... ekki einu sinni heldur tvisvar auk forsetahjónanna og föruneyti auðvitað. Ég hefði frekar viljað sjá mínum skattpeningum varið í að styðja nokkra fleiri til að fara á Ólympíuleika fatlaðra, en þangað komust færri en höfðu náð keppnisrétti vegna fjárskorts. Og svo lítið mál að splæsa 50 millum á handboltaliðið sem fá þegar greitt fyrir þetta... Mér finnst þetta geðveiki - og það í neikvæðri merkingu. Hefur Kristín Rós Hákonardóttir t.d. fengið fálkaorðu??? Minnist þess ekki. Hversu marga gullpeninga á hún frá stórmótum? Reikniði nú!

Ég mótmæli þessu offorsi en samgleðst landsliðsmönnunum og þeirra fjölskyldum innilega.

Hundaskítur

2008-07-17T23:32:00.002+01:00

Oj...! Þegar ég kom heim áðan, eftir heilan vinnudag og ark alla leið upp á topp Hlíðarfjalls og með versnandi strengi og necrotíska verki í lærunum, gekk ég fram hjá skít... í miðjum stigaganginum. Er ekki verið að grínast í mér? Hver í fjandanum hirðir ekki upp hundaskítinn sinn???

Eldsneyti

2008-07-04T20:17:00.002+01:00

Ég skellti mér í að prufukeyra bíla í dag, eins og í gær og náði 4 fyrir lokun. Það stóð samt tæpt en ég fékk í lokin að skella mér upp í gráan jeppling og brunaði af stað. Þegar ég var komin yfir ljósin sunnan við Toyota-umboðið tók ég eftir því að bensínljósið kviknaði. Ég vissi náttúrulega ekki hvort það hefði kviknað eitthvað áður en ákvað að halda áfram og taka smá rúnt. Það hlyti nú að hafast. EEEEN NEI! Þegar ég var á leiðinni til baka vildi ekki betur til en helv... bíllinn drap á sér. Frekar pínlegt að þurfa að hringja í umboðið og biðja þá um björgun. Þeir komu og drógu bílinn af stað þar sem hann fór ekki í gang hjá þeim neitt frekar en mér, allavega ekki fyrr en við vorum rétt lögð af stað. Þá prófaði gaurinn aftur að setja bílinn í gang og það tókst og hann náði að keyra nánast alla leið að Toyota, nema síðasta spölinn.

Þegar ég settist svo upp í minn bíl til að koma mér heim og loka á þessa vandræðalegu reynslu, kviknaði bensínljósið hjá mér og ég ætlaði sko hreint ekki að fara að verða bensínlaus þannig að ég brunaði á AO og fyllti kaggann fyrir litlar 9000 kr. SKÍTUR!!! Ég er hætt við að kaupa annan bíl, sel bara minn, kaupi mér vespu og málmbrynju til að vera í á vespunni, fleiri milljón króna líftryggingu og nota svo bara rútuna til langferða. Það er SVO langt því frá að

Fleiri myndir

2008-07-03T22:28:00.006+01:00

Ég hef ákveðið að reyna að setja inn eitthvað af myndunum sem lentu í tæknilegum örðugleikum í síðustu færslu.

Minntist ég ekki á myndavélina mína, sem varð batterýslaus á leið minni hringinn og ekkert hleðslutæki með? Þetta var sem sagt síðasta myndin sem mér tókst að taka...

Að sjá þessar skvísur... Það er óhætt að segja að þær séu stórglæsilegar.

Stórfrænkur og æskuvinkonur... Geri aðrir betur ;)

Það var svo sannarlega fjör og þessi mynd talar sínu máli.

Er einhver svipur með okkur systrabörnunum??? Tja...!

Góðu fjöri verður alltaf að ljúka einhvern tímann og það var svo sannarlega komið langt fram á næsta dag þegar síðustu hræðurnar skreiddust heim úr eftirpartýinu. Mér finnst þetta bara ótrúlega táknræn mynd. Merkilegt hvað grænn litur hefur róandi áhrif á þig Örvar minn ;)

Lífs eða liðin...???

2008-07-01T23:41:00.003+01:00

Voruð þið farin að halda að ég væri komin 7 fet undir græna torfu??? Hehh! Hreint ekki. Ég var bara í mikilli finnu og svo sumarfríi og mátti bara ekkert vera að þessu. Ég hélt líka að það myndu nú ekki margir kippa sér upp við það þó ég legði bloggfingurna á hilluna, en það voru bara ótrúlega margir sem kvörtuðu.

Síðasta bloggfærsla snérist um strengi... boot camp strengi. Í dag hef ég sært mig á annars konar strengjum. Ég keypti mér nefnilega gítar um daginn, með diggri aðstoð JGB og hljómsveitarfélaga hans. Fyrir valinu varð nettur kassagítar úr gegnheilum við og ég hafði það af í fyrsta skipti í kvöld að stilla hann alveg og reyna nokkur grip. Það sárvantar að einhver segi mér hvaða fingur ég á að nota á hvaða streng við þetta, ég er eitthvað að fikra mig áfram við þetta sjálf með aðstoð netsins auðvitað. Þar finnst jú allt. Það er ekki laust við að vinstri höndin sé svolítið aum við að pikka á lyklaborðið. Þetta kemur allt með æfingunni. Þarf líka að kaupa stóru gítarbókina, mér skilst skv. áræðanlegum heimildum að það sé algjört must.

Annars hefur sumargríið verið erfitt en skemmtilegt. Fyrstu dagarnir fóru í að skipuleggja 10 ára MA-afmælishitting og stóð dagskráin yfir í 3 daga. Þetta var hreint ótrúlega skemmtilegt en ég verð að viðurkenna að ég skemmti mér best 16. júní, þegar skipulagið lá ekki á mínum herðum og ég gat um frjálst höfuð strokið. Eitthvað tók þetta á því ég var vart mönnum sinnandi í 3 sólarhringa á eftir, svaf 11-14 tíma á sólarhring og gekk á autopilot þessa tíma sem ég átti að teljast vakandi. Ég læt nokkrar myndir fljóta með.

Örvar, Júlía og Fríða

Valdís og Berglind sýna þvílíka samvinnu að annað eins hefur varla sést á norðurhveli jarðar... tja, ekki síðan bara síðari ísbjörninn var skotinn um daginn ;)

Júlía... bíddu! Aftur??? Varla annað hægt... sjáið bara einbeitinguna.

Ohhh... Fæ ekki að setja inn fleiri myndir. Djö...!!!

Ég skellti mér líka í smá heimsókn í borgina til að fagna fertugsafmæli Markúsar, innflutningi M&M&M í nýja húsnæðið á Álftanesinu og svo auðvitað kennararéttindum Ingibjargar óðalsbónda. Úr varð hin besta skemmtun og hringferð meira að segja. Því miður var batterýið á myndavélinni ekki alveg til samvinnu svo ég gat ekki tekið svo mjög af myndum. Keypti reyndar eina einnota myndavél á Vík svo ég get kannski sett inn einhverjar myndir þegar fram líða stundir.

Í vikunni sem leið fórum við skvísurnar 3 í smá kvöldrúnt í íshellinn í Mývatssveit. Ég keyrði á upphækkaða Nissan jeppanum og það var ekki laust við að það færi um mann einhver macho-straumur að stýra svona stórum dekkjum. Eitthvað var það allavega. Ég er að hugsa um að hætta við að skipta Avensisnum út fyrir Octaviu og fá mér bara alvöru jeppa í staðinn ;). Hérna væri líka bara algjör nauðsyn að láta myndir fylgja með, en mér bara tekst ekki að hlaða inn fleiri myndum hérna að sinni. Spurning um að endurvekja þessa myndasíðu sem ég stofnaði einhvern tímann...

Svo ótal margt hefur skotið upp í kollinn á síðustu vikum sem svo sannarlega hefði átt skilið að enda í færslu hérna á þessari síðu en ég man náttúrulega ekki lengra en nef mitt nær (og það er nú ekki svo ýkja langt að það eru litlar líkur á að svo verði.

Boot camp aftur í fyrramálið eftir um 3 vikna hlé... ekki nokkrar líkur á strengjum eftir það, eða hvað???

Boot camp

2008-05-06T17:36:00.003+01:00

Ég er að farast. Hérna á mínum bæ eru nefnilega ekki venjulegir strengir í gangi heldur alveg symfónía og það alveg hreint á fullu. Næsti tími á morgun og ég er ekki alveg að sjá að ég verði farin að hlaupa um á morgun, en ég ætla samt að mæta.

Og hananú!

NY, NY

2008-05-01T21:27:00.012+01:00

Nú fer fögnuður um lýðinn, hann hreinlega tryllist og ég átta mig á því að vinsældir þessarar síðu jafnast á við vinsældir Bítlanna þegar þeir voru upp á sitt besta. Karlmenn jafnt sem konur hreinlega urlast og fella tár í stríðum straumum. Ekki langt frá því að vera satt eða hvað?

LOKSINS, loksins kemur færslan sem ALLIR hafa verið að bíða eftir, færslan um NY-ferðina. Hún hófst eins og svo margar aðrar utanlandsferðir, á flugvellinum í Keflavík.
Eftir smá bjór, 6 tíma flug, 20 mínútna power nap í byrjun flugs og svo taxi-ferð til Manhattan mættum við á hostelið okkar á ,,the upper west side".
Sumir gætu efast um að það hafi verið góð hugmynd að gista á hosteli í NY,
en myndirnar á heimasíðunni litu bara þokkalega út og við vorum mjög svo tilbúnar til að
spara pening á gistingu... þetta er nefnilega bara einfalt reikningsdæmi, peningurinn sem þú sparar á gistingu getur með góðri samvisku farið í önnur útgjöld... eins og föt og góðan mat :)

Herbergið okkar var hins vegar töluvert mikið öðruvísi en myndirnar á netinu... Þegar við opnuðum dyrnar rétt smaug hurðin framhjá rúminu... KOJUNUM... og autt gólfpláss var minna en 1 fm2, svei mér þá.

Hér gefur að líta herbegið okkar yndislega. Það fór reyndar eins og við vorum búnar að ræða að við vorum bara þarna til að sofa, ekkert annað. Og þetta var ágætlega hreint og klósettin voru vel þrifin og sturtan var rúmlega nothæf svo þetta var nú ekki svo slæmt.

Við vorum meira að segja með glugga á herberginu, og sem betur fer því þegar við mættum þá var svo heitt og stuffy loft í herberginu að það lofaði ekki góðu fyrir nóttina. En svalinn frá opnum glugga kom sér vel og það reyndist algjörlega óþarft að nota lökin sem við höfðum til að breiða yfir okkur.

Ok, ég verð líklega að viðurkenna að þetta útsýni líkist kannski einhverju sem maður sér í amerískum gangstermyndum, en þetta var í alvöru rólegt hverfi, svo rólegt að í herberginu við hliðina á okkur var heil fjölskylda, með 2 börn.
Held samt að ég verði að taka undir þá rödd sem heldur því fram að hostel í NY séu ekki góð hugmynd ;)

Við vorum náttúrulega ekki alveg lausar við túristatilfinninguna og að mæta á Times squere og sjá öll ljósin sem hafa mætt manni svo oft á sjónvarpsskjánum og á hvíta tjaldinu var ekki laust við að það færi um mann pínu smábæjarhrollur og fiðringur.

Daginn eftir fengum við alveg yndislegt veður, glampandi sól, > 20° hiti og við enduðum með því að kaupa sólarvörn. Við rúntuðum um á efri hæð rútu og fengum leiðsögn um hin ýmsu hverfi NY. Auðvitað var litið inn í eina og eina búð, en ekkert mikið meira en það. Held reyndar að karlmaður hefði verið búinn að gefast upp á okkur fyrir löngu, nema þá helst ef hann væri samkynhneigður eða af einhverjum öðrum orsökum sannkölluð búðarfrík.

Bara smá sýnishorn af frægum byggingum í NY.

Hérna er annar staður sem maður verður að heimsækja í NY, Ground Sero. Ég hef sér margan bandaríkjamanninn fella tár við tilhugsunina um þennan dag og hef orðið hissa á sterkum viðbrögðunum. Að rölta um safnið og sjá mydnirnar og lesa sögurnar fengu mig til að fá kökk í hálsinn þrátt fyrir að ég héldi að þetta myndi ekki snerta mig.

Þetta er BESTI veitingastaður sem ég hef borðað á, mæli með honum 100%. Við vorum svo saddar þegar við komum þaðan út að við gátum ekki komið niður kokteilum, þó við reyndum.

Þeir blönduðu líka hinn ljúffengasta mojito, sem óþarft er að taka fram að rann ljúft niður ;)

Að drekka Manhattan á Manhattan hljómaði alveg brilliant hugmynd. En þvílíkan ógeðisdrykk hef ég aldrei á ævinni smakkað áður. Mæli ekki með honum.

Nei! Ykkur, sem datt í hug að ég væri með byssu í hendinni eða notaða sprautunál og væri við það að fara að brjótast inn í tískuvöruverslun fáið viðurkenningu fyrir að hafa frjótt ímyndunarafl en orsökin fyrir búningnum er önnur. Sunnudagurinn var nefnilega svalur og við vorum ekki alveg eins svalar uppi á þakinu og daginn áður.

Við höfðum planað að fara í Sex and the City rúnt á sunnudeginum og ég sé ekki eftir því. Við fengum hressa og skemmtilega Carry týpu sem leiðsögumann, rúntuðum um borgina og fengum að vita hvar sum atriðin eru tekin upp og stoppuðum á stöku stað, m.a. The Pleasure Chest... og hvað haldiði að hafi leynst þar inni???

Jú, mikið rétt. Hreinn unaður... og það fjarstýrður ;)

Þegar hér var komið sögu vorum við um það bil að nálgast ,,dyrnar". Jább, dyrnar þar sem Carrie gekk inn og var komin inn á sitt svæði, heima. Hérna varð myndavélin mín hins vegar mátulega batterýslaus svo ég á ekki fleiri myndir frá NY. Eða jú, reyndar á ég mun fleiri myndir en ég ætla ekki að láta ykkur leiðast. Held þetta sé orðið nokkuð gott.

Ég mæli með ferð til NY, crazy borg og vantar kannski svolítinn skammt af evrópskum sjarma, en er ótrúleg upplifun og afskaplega þægileg. Mér leið aldrei eins og ég væri í amerískri stórborg þar sem glæpir eru óneitanlega stundum í fréttum. Ég mun án efa heimsækja borgina aftur.

Kastljós kvöldsins

2008-04-17T23:54:00.002+01:00

Góða kvöldið. Tók einhver eftir því hvað Kastljósið var furðulegt í kvöld? Ég sá reyndar bara viðtalið við Hr. borgarstjóra og byggi þessa spurningu mína á því. Hárið á Ragnhildi Steinunni var ýmisst dökkt eða ljóst, allt eftir því hvort Ólafur var með henni í mynd eða ekki. Og hún var ýmist með penna í hæ. hönd eða engann penna. Þetta var hreinlega eins og þetta væri klippt saman eftir á.

Ég skora á ykkur að tékka á þessu.

Annars er ég á leiðinni til NY og hef þetta bara ekkert lengra í bili, nema kannski svona...

,,Next time on...": Myndir af SP og ÞKH + selebs í NY ;)

Fjallið!

2008-04-15T16:57:00.004+01:00

Það er skömm að segja frá því... EN ég hef bara farið tvisvar í fjallið í allan vetur. Það er náttúrulega út í hött þar sem það er í svona 10 mín fjarlægð. Það er reyndar helmingi oftar heldur en öll MA árin mín.

Það er allavega komið markmið fyrir næsta vetur, því þá ætla ég að vera orðin stoltur eigandi að skíðum og öllu því sem fylgir og misnota loksins nálægðina við fjallið. Ójá!

Handy smurf :)

2008-04-14T23:36:00.002+01:00

Ég er Handy Smurf, hver hefði trúað því?

Fló...

2008-04-08T21:13:00.002+01:00

...á skinni

Gríðarlega sterkur leikur. Einfalt grín, og hálfgerður skrípaleikur sem maður þarf vissulega að vera í ákveðnum gír til að fíla
grínið. En ég mætti þreytt á svæðið en skemmti mér samt konunglega.

KONUNGLEGA!

Af einkaþotum...

2008-04-03T00:55:00.007+01:00

Oh hvað ég vorkenni forsætisráðherra og utanríkisráðherra sem eru nú bitbein stjórnarandstöðunnar vegna meintrar hagkvæmnisferðar á leiðtogafund NATO. Þeir bara URÐU að fá einkaþotu til að flytja sig, það var hreinlega ódýrara, eða í það minnsta ekki svo miklu dýrara.
Ódýrara en hvað fyrirgefiði? Ég hugsa að ef þetta göfuglynda fólk hefði brotið odd af oflæti sínu og hreinlega flogið út á almennu farrými eins og við flest verðum að sætta okkur við að gera sjálf, þá hefðu þau getað sparað einhverja hundraðþúsundkalla fyrir íslenska ríkið eða t.d. getað lagt fúlgu fjár í góð málefni í Rúmeníu og fengið fréttaumfjöllun um það í staðinn. Svei mér þá ef þau hefðu ekki hreinlega getað staðið undir kostnaði heils munaðarleysingjahælis um einhvern óákveðinn tíma fyrir mismuninn í þessu reikningsdæmi.

Kannski er það ekki alveg jafn bitastætt fréttaefni en ég hefði gefið þeim meira kredit fyrir það í það minnsta. En ég er bara pólitískur einfeldningur.

Hvað segið þið hin?

Stelpurnar

2008-04-02T00:41:00.002+01:00

Ég horfði á 1. seríuna af Stelpunum í dag. Ok, ok, ég er búin að vera að horfa mikið á sjónvarp síðasta sólarhringinn, en ég er nú einu sinni veik. Mér fannst þær fyndnar, mun fyndnari en Nacho Liebre. Ef ég verð heima á morgun verður það Pressan á morgun :)

Nacho Liebre...

2008-04-01T14:15:00.003+01:00

Ok, spurning hvort að ég gleymdi bara að taka sýruna mína í gærkveldi eða hvort ég var bara veik en mér stökk ekki bros á vör yfir þessari mynd. Mikil vonbrigði með hann Mr. Black vin minn sem hingað til hefur nú ekki brugðist mér. Ohh...

Hornös og hiti

2008-03-31T23:58:00.002+01:00

Oh! Mér leiðist hornös og hiti, beinverkir og höfuðverkur. Óska engum svona leiðinda :(

Sjálfsmorðshugleiðingar

2008-03-20T23:34:00.003Z

OMG! Mér varð það á að þurfa að fara í Bónus í gær. Það er skemmst frá því að segja að það vakti hjá mér hugleiðingar sem ég hélt ekki að ég ætti til. ARRRRRGGGG! Fólk!

Taste of summer...

2008-03-17T21:01:00.003Z

Ég bragðaði á sumrinu í kvöld. Í sólskininu kom yfir okkur gríðarleg grillstemming svo við ákváðum að grilla og guð minn góður hvað það var gott. Grilluð piparsteik og mexíkóskir folaldastrimlar með grilluðu grænmeti og fersku salati með jarðarberjum bragðaðist algjörlega eins og sumar.

Jammý! Ég er komin á bragðið :Þ

Af skírn og glimrandi veðri

2008-03-16T19:55:00.003Z

Í dag hef ég notið lífsins eftir ótrúlega skemmtilegt frænkukvöld í gærkveldi þar sem var óneitanlega hlegið dátt og hátt. Þetta verður sko endurtekið aftur við tækifæri.

Þegar ég vaknaði í morgun var sveitin mín í sínum fallegasta búningi. Ég elska Mývatnssveit þegar hún er í hvíta kjólnum sínum og sólin vermir kinnarnar á manni þó að hitastigið sé samt það kalt að snjórinn bráðnar ekki. Það er held ég bara EKKERT í heiminum sem mér finnst fallegra. Að þurfa að yfirgefa hana rétt um hádegi hefði verið sorglegt, en þar sem ferðinni
var heitið í skírn til Elvu og Hannesar slapp þetta fyrir horn. Skvísan sú ber frá og með deginum í dag nafn með rentu, heitir Ásdís enda er hún sannkölluð dís. Veðrið í Eyjafirðinum var náttúrulega ekki síðra en í háfjallasveitinni minni, enda virðast þau hjónakorn E og H vera á sér samningi hjá veðurguðunum ef marka má daginn og brúðkaupsdaginn þeirra hérna um árið. Það er ekki eðlileg veðursæld á stórum dögum í þeirra lífi, sama hvort það er vetur eða sumar.

En nú bíður mín næturvakt. Best að kyrja aðeins og slaka á taugunum áður en ég held í vinnuna.

Hafið það gott og vonandi nutuð þið veðurblíðunnar í dag.

Bara smá áminning fyrir mig: 33 dagar í NY... :D

America's next topp model

2008-03-12T21:49:00.002Z

Ég elska þessa þætti. Þessar skutlur eru svo dæmalaust tilgerðarlegar og svo innilega truntulegar að það er hreinlega ógeðslega fyndið.

Lyktarskyn

2008-03-12T21:44:00.002Z

Ég elska lyktina af nýklipptu hári... það er bara eitthvað við efnin sem þetta fagfólk notar í hárið á manni. Finnst ykkur það ekki?

Ferðahugur...

2008-03-08T13:13:00.002Z

Er Veronica Mars á leiðinni til NY??? Það skýrist á næstu dögum gott fólk.

Þeir sem skilja ekki, halda ábyggilega að ég sé gjörsamlega hreint gengin af göflunum. Ætli mér verði kannski ekkert hleypt heim úr vinnunni í kvöld heldur verði leidd inn á P-deildina...?

Júhúúúú...!!!

2008-03-06T22:54:00.002Z

Áfram MA!!! Tékkiði bara á þessu :D

Göngutúr með litlum sætum klaufabárðum úr fjölskyldunni

2008-03-06T21:36:00.011Z

Hérna er einn klaufabárður úr fjölskyldunni. Þessi gutti var alveg á því að fara í göngutúr, hann hljóp fram úr okkur og ætlaði sko ekkert að snúa við. Við urðum að hlaupa drenginn uppi þegar hann var hættur að heyra í okkur orgin. Við þurftum líka algjörlega að selja honum hugmyndina um að nú væri kominn tími til að snúa við.

Hérna er annar klaufabárður úr fjölskyldunni, sem heitir reyndar ekki Bárður. Hann var nú meira á að láta reyna á þolinmæði móður sinnar með því að neita að ganga lengra... en móðir hans er alvöru Baldi og gaf sig hreint ekki.

Bárður apaköttur var endalaust að reyna að fara í kollnís (hvernig er þetta skrifað eiginlega...???). Sjáið þið þetta ekki fyrir ykkur. Úr þessari stellingu valt hann á hliðina þar sem gallinn heftir aðeins hreyfingarnar. Hann hefur getað farið í kollnís síðan hann gat labbað liggur við.

Veðrið var ótrúlega fallegt, kalt, snjór yfir öllu og bleikur himinn. Sjáið þið bara bleika himininn yfir Sjónarhólnum mínum :)

Hérna eru svo tröllin tvö, án þykkra hlífðargalla og stígvéla. Svo sannarlega lítið lukkutröll þessir tveir, finnst ykkur ekki? :)

Well Sue... these are two trolls in my family. Aren't they cute? :)

Pískari...

2008-03-04T21:31:00.001Z

Svei mér ef maður borgar ekki fyrir svoleiðis ef það virkar :)

Pískari... pælið í því að vinna við það að vera pískari.

Hardcore gella...

2008-03-02T23:04:00.002Z

Ég hélt ég myndi drepast úr hlátri áðan. Ekki endilega vegna þess að hlátrasköllin myndu draga mig til dauða heldur aðallega vegna þess að ég táraðist svo gríðarlega mikið að ég sá ekki út úr augum... og ég sat undir stýri á þjóðvegi nr. 1.

Orsök táraflóðsins voru orðaskipti mismunandi kynslóða um samkynhneigð... Þetta var hræðilega fyndið. Sennilega samt svona mómet sem maður varð að upplifa til að skilja. Ýmsir sleggjudómar skutust fram í dagsljósið og ætla ég að nefna nokkra.

,,Hún er lessa, alveg hardcore gella sko..." ,,Hvað þýðir það?" ,,Svona... harðbrjósta!"
,,...og læturðu sjá þig með henni?"
,,Ég held það ætti að fara að taka upp afhommun aftur, þetta skýtur upp kollinum eins og gorkúlur..."

OMG! Þetta var bara alveg HRÆÐILEGA fyndið samtal. Ef þið skiljið þetta ekki þá verð ég bara að bjóða ykkur í bíltúr með þessu orðheppna fólki. Næsta umræðuefni var frelsun og Jesú... og hvítar dúfur. Vona að þið fattið hvernig þetta tengist allt saman.

Birta!

2008-03-01T07:57:00.002Z

Neibb, hefur ekkert með Eurovision að gera. Það er farið að birta fyrir kl 8 á morgnana. Mér finnst það yndislegt. Alveg yndislegt!

Súperflört!

2008-02-29T23:00:00.001Z

Já góðan daginn!

Fjárfesti í bók sem ber þennan titil. Nú skal sko fjandakornið tekið á því. Missti gjörsamlega af þessum kúrs í menntó nefnilega, spurjið bara þá sem til þekkja. En nú verður sko breyting þar á.

Öfugmælavísa!

2008-02-22T14:49:00.002Z

Upplifði mína eigin öfugmælavísu rétt í þessu. Mér fannst einhvern veginn kominn tími til að taka niður jólaseríuna af svölunum og dengdi mér í það áðan í góða veðrinu hérna fyrir norðan sem gefur óneitanlega loforð um að það sé vor bara rétt handan við hornið. Af þessu tilefni skellti ég Hawaiidrengnum Jack Johnson á geislann og dillaði mér með í húla-húlasveiflu, umgringd gervigreni og jólaseríum.

Góð blanda það.

Fullkomnun

2008-02-22T14:45:00.002Z

Ein af mínum bestu vinkonum er nýbúin að unga út og eignaðist stelpu með þvílíkan lubba. Hún er algjört krútt. Ég veit þið hafið eflaust heyrt þessa fullyrðingu oft... EN ég held ég hafi ALDREI séð sætari nýbura. Sá hana bara nokkurra tíma gamla og hún var ekki einu sinni krumpuð og ekkert þrútin í framan eða neitt.

Þegar ég spurði vinkonu mína hvernig hefði gengið var svarið: ,,ÚFF!!! Ég hélt ég myndi drepast!"

Til hamingju með dömuna. Hún er alveg fullkomin.

Labbandi...!!!

2008-02-22T14:41:00.002Z

Ég ræddi við Bárð litla frænda minn í síma í gærkveldi. Drengurinn verður 3 ára í maí n.k. og talar ótrúlega mikið. Ólöf systir hans fékk bílinn minn í gær til að fara heim í sveit og hann tilkynnti mér það í símann: ,,Óföf koma heim í Dollu bíl." Ég spurði hann þá hvenig ég ætti að komast heim fyrst Ólöf hefði tekið bílinn minn. Það varð þögn í smá stund en svo svaraði hann heldur glaðari en áður:
,,Labbandi"

Segið svo að börn hafi ekki lausninrnar á vandamálum.

Uppskrift að góðri helgi...

2008-02-17T23:08:00.002Z

Að fá hana Þóru mína í heimsókn... það er bara nóg. Einföld og góð uppskrift það :)

Það er nóg til að láta manni líða vel, hafa gaman, hlæja og bara vera. Bara að vera! Maður getur ekki beðið um meira, er það? Ég fer allavega ekki fram á meira.

Takk fyrir helgina Þóra mín. Þú ert best, LANG-best.

Blood Diamond

2008-02-17T22:57:00.002Z

Hafði það loksins af að sjá þessa mynd sem frú Elva mælti með á síðunni sinni þegar hún var enn í ilfætlingur og ég var enn í Afríku, ef ég man rétt allavega.
Þetta er ótrúlega áhrifarík mynd sem ég mæli fullkomlega með. Ég fékk æluna upp í háls, tár í augun og fylltist viðbjóði yfir fjandans vestræna heiminum. Ég ber verulega blendnar tilfinninga til demanta eftir þetta. Hef ekki í hyggju á að fjárfesta í svoleiðis. Læt mér nægja slípað gler svei mér þá.

Ef þið hafið ekki séð hana nú þegar þá hvet ég ykkur til að fara á næstu leigu hið fyrsta.

Betri er krókur en kelda???

2008-02-01T22:56:00.000Z

Ætlaði að stytta mér leið í dag... Eftir 2 sólarhringa stórhríð gæti maður kannski sagt sér það sjálfur að það gætu verið komin örlítil snjóalög. Ég ákvað hins vegar að fara í smá göngutúr á leiðinni heim úr vinnunni í dag og lagði krók á leið mína. Þegar ég var búin að arka um á ruddum göngustígum bæjarins í 30 mínútur ákvað ég að stytta mér leið.
Arkandi yfir órudda göngustíga áttaði ég mig á því að það hefur hríðað nánast stanslaust í langan tíma, svo mjög að ég óð á köflum snjó í mið læri og þá kom þetta gamla máltæki upp í kollinn á mér. Göngutúrinn varð allavega ágætis æfing fyrir lærin... alltaf að sjá það jákvæða við þetta allt saman ;)

Borgin

2008-01-20T23:57:00.000Z

Ég mætti í borgina í gær og ákvað að rifja upp gamla takta og skellti mér á djammið í gærkveldi. Fór fyrst út að borða með henni Höllu minni á b5, sem er víst einn af heitari stöðum bæjarins í dag. Það er af sem áður var þegar Óliver var staðurinn.

Ég verð að segja að það voru mun fleiri karlmenn til að gleðja augað hérna en fyrir norðan, maður áttar sig SVO greinilega á því þegar maður kemur aftur eins og aðkomumaður... Mér fannst þetta mjög gaman og ætla að koma bráðlega aftur. Það var líka miklu meira af leiðinlegu fólki í bænum en ég hef lent í fyrir norðan. Djís! Ég hélt ég myndi drepast úr leiðindum í leigubílaröðinni, pissfullur gutti fyrir aftan mig sem reif endalaust kjaft við einhverja skvísu. Ef hún hefði bara þagað og ekki svarað honum endalaust. Ég var orðin svo pirruð að ég átti bágt með að lemja þau ekki bæði. Íslendingar eru með nettan snert af mikilmennskubrjálæði svona á mánudögum-föstudögum... en um helgar og í glasi magnast þetta brjálæði um allan helming, svo mjög að mig hryllir við. Dýrseðlið skín svo í gegn að siðmenning fýkur gjörsamlega út í veður og vind.

Er til eitthvað sem getur fallist undir að vera ,,normal" Íslendingur?

,,Stórir strákar fá raflost..."

2008-01-17T23:34:00.001Z

Svo var kveðið á síðustu öld. Maður hefði haldið að háskólagengin manneskja ætti að átta sig á því að það
getur verið hættulegt að vinna við rafmagn... þegar það er á, ekki satt?

Tja! Frá því ég flutti inn í íbúðina mína núna í byrjun septembers s.l. hafa dósirnar í loftinu stungið aðeins í augun á mér. Greinilega ekki svo mikið að ég sé búin að taka mig til og laga það á þeim tæpum 5 mánuðum sem ég hef verið hérna... EN í dag tók ég mig til og kippti þessu í liðinn. Til að laga þetta þurfti ég að losa plastdótið af endunum á rafmagnsvírunum til að koma þeim undir lokið á dósunum... þið skiljið vonandi. Allavega, ég vildi ekki gera þetta í myrkrinu svo ég hafði kveikt á ljósunum... GÓÐ HUGMYND!!! Ég hefði kannski átt að taka rafmagnið af þegar ég fékk smá straum í puttana... en það var nú bara svona rétt til að minna mig á að ég var að vinna við lífshættulegt rafmagn, RAFMAGN gott fólk..! Þegar bláu blossarnir létu sjá sig og lekaliðinn sló öllu út þakkaði ég guði fyrir rafmagnsverkfræðinginn
sem fann hann upp, tók rafmagnið af og kláraði allar hinar dósirnar með Malawíljósið á höfðinu og slapp við að enda sem rafmagnssteikt, illalyktandi brunahrúga.

Ég hef lært mína lexíu allavega og batnandi manni er best að lifa :)

Bíó

2008-01-10T18:24:00.000Z

Eru ekki allir búnir að sjá ,,The Golden Compass"? Ég skellti mér á hana um daginn og skemmti mér konunglega. Vel gert ævintýri sem er alveg fyrir mig og svo skemmir hreint ekki fyrir að það er slatti af húmor í henni og óvæntum uppákomum.

Ég mæli með henni :)

Hlutir sem eru afstæðir!

2008-01-02T23:28:00.001Z

Aldur er einn af þeim. Mér finnst ég til dæmis bara hreint ekkert eldri en þegar menntaskólaárin voru í gangi og rétt við það að líða undir lok... jú, ok þá! Kannski smá, en hreint ekki svo mikið. Kveikjan að þessum örstuttu hugrenningum er sú að ég var að koma heim eftir hreint yndislega kvöldstund. Við fórum nefnilega 7 stöllur úr menntaskólanum (MA altso fyrir þá sem ekki vita...) út að borða og svo á kaffihús og umræðan var óneitanlega lituð af fjölskyldumunstri flestra viðstaddra (FLESTRA en ekki alveg allra, NB...). Barneignir, brjóstagjöf, 10 ára MA reunion, barneignir, lega á fæðingardeild eftir fæðingu... o.s.frv. Á borðinu við hliðina sátu strákar... á menntaskólaaldri líklega þó þeir hafi litið út fyrir að vera 10 ára og þeir voru þvílíkt að fylgjast með umræðunni á okkar borði. Spurningin er hvort þeir voru að hlusta af því að þeir væru að velta því fyrir sér af hverju svona ,,fullorðnar konur" væru að gera úti á kaffihúsi í miðri viku eða þá að umræðuefnið um fæðingar og brjóstagjöf, sílikonhlífar á geirvörtur og ungabörn vakti áhuga hjá þeim.

Ég veit hreinlega ekki hvort er skárra :/

Gleiðlegt nýtt ár

2008-01-01T23:54:00.000Z

Árið 2008 er gengið í garð. Ársins 2007 verður minnst fyrir mjög svo misánægjuleg tíðindi. Ég lagði leið mína til tveggja nýrra heimsálfa, Afríku og Asíu og snéri heim aftur ríkari af reynslu á hinum ýmsu sviðum og er mun nær því að vita hver ég er. Ég náði líka þeim merka áfanga að útskrifast loksins frá HÍ eftir 6 ára langt nám. Anna frænka útskrifaðist einnig. Ég byrjaði á kandídatsárinu sem flýgur áfram og nálgast endann ótrúlega hratt. Þá á ég að vera orðin fullorðins... Þessi pistill á ekki að vera neinn annáll svo ég ætla ekki að þylja allt upp og gleymi sjálfsagt einhverju mjög svo mikilvægu. Ýmislegt annað miður skemmtilegt hefur líka gerst á árinu, vinir hafa lent í slysum og vandræðum, náskyldir ættingjar greinst með leiðinda, leiðinda veikindi og nú síðast fauk hluti af fjárhúsþakinu hjá Eyþóri bróður mínum. Það var alveg hreint fáránlegt veður þennan 30. des síðastliðinn. Ég fauk... ÉG FAUK og réði ekkert við mig. Það hef ég aldrei upplifað áður. Fjárhúsin sveifluðust til í vindinum og rúður splundruðust yfir greyið kindurnar. Þakplöturnar flugu og ein þeirra endaði í rekaviðardrumb og stóð föst þar, og hreif hann með sér í rokinu. Ég held að það hefði orðið eins og í Quentin Tarantino mynd ef það hefði maður orðið fyrir þessu flykki en ekki rekaviðardrumbur. Ég hafði enga trú á að það yrðu
uppistandandi fjárhús eftir þetta veður
allt saman en allt fór betur en á horfðist, húsin standa
enn og hluti af gærdeginum fór í að
loka gatinu sem myndaðist á þakið. Þá stóðu menn
saman eins og svo oft áður þegar á reynir, fólk af
nágrannabæjunum kom til hjálpar og þetta gekk
allt saman ótrúlega hratt og vel.

En nóg um það. Ég vona svo sannarlega að árið 2008 verði betra en það nýliðna og að okkur hlotnist öllum heilsa og hamingja. Ég ætla allavega að lifa leyndarmálinu í botn og sjá hvert það leiðir mig.
Það verður spennandi að sjá um næstu áramót :)

Góður læknir?

2007-12-12T22:09:00.000Z

Það er ótrúlega margt sem maður er tilbúinn að leggja á sig til að verða góður læknir. Spurning er bara hvort rétt sé að fara eftir því síðasta sem ég heyrði...

,,Parents are better doctors..." ;)

Af borgarferð, snjó og aðventu...

2007-12-02T06:34:00.000Z

Eftir næturvakt á fimmtudaginn hoppaði ég beint upp í flugvél og var stuttu síðar mætt í borgina. Þar beið mín náttúrulega bílaleigubíll. ,,Náttúrulega" segi ég og sumir gætu spurt sig hvers konar mismunur þetta sé. Í þetta skiptið bý ég bara svo vel að eiga systurson sem vinnur á bílaleigu og það kemur sér rosalega vel svona alveg hreint inn á milli.

Fyrsta stopp var IKEA, sem er að verða fastur liður í hverri borgarferð. Þar rölti ég um ásamt Elvu og fékk ágætar hugmyndir og gekk út með poka með jólaskrauti. Svo var það hádegisverðarstopp á Þjóðmynjasafninu með Elvu og Margréti. Ég fékk ágætis reality check þar sem Margrét er á haus í próflestri og ég fékk pínu ,,hjúkk-it" tilfinningu að vera laus við svona stresspakka. Er reyndar að fara í próf 5. des en er pollróleg yfir því, kannski of róleg.

Ég fékk að hitta góðvin minn og aðeins spjalla við hann og það var alveg hreint ótrúlega gott að sjá hann loksins aftur. Maður er alltaf að læra í lífinu og málið er að sumar lexíur eru mun betri en aðrar og að njóta lífsins er klárlega ein slík lexía.

Ég hafði hins vegar hugsað mér að koma norður á föstudeginum þar sem ég átti að fara á næturvakt... en veðurguðirnir tóku gjörsamlega fram fyrir hendurnar á mér svo föstudagurinn fór í að hanga, og bíða og loksins þegar komið var kvöld var ákveðið að fljúga ekki... þannig að ég græddi slúður/djamm/tjútt kvöld í bænum með bekknum, sem var alveg hreint ótrúlega gaman og endurnærandi. Að taka flug norður eftir 2,5 tíma svefn var hins vegar ekki alveg eins skemmtilegt en hafðist loksins, sem betur fer á þotu því það var alveg smá hristingur sem hefði verið mun verri í minni vél. Að heyra flugstjórann tilkynna: ,,Góðir farþegar, eins og þið hafið kannski tekið eftir höfum við hætt við aðflug til Akureyrar í annað sinn þar sem virðist vera bilun í aðflugsbúnaði" var hreint ekki eins traustvekjandi og það fór óneitanlega pínu hrollur um mig en þetta hafðist.

Að lenda hérna fyrir norðan í gommu af snjó og þurfa hreinlega að moka bílinn upp úr snjónum kom mér í jólagír 1, 2 og 3, sem ég komst hins vegar hreint ekki í í borginni þrátt fyrir ítrekaðar tilraunir. Það hefur verið ótrúlega fallegt veður í dag, og nótt, hvítt yfir öllu, snjókorn koma svífandi af himni og jólaljósunum fer fjölgandi. Umm... jólin eru rétt handan við hornið. Ég sé fyrir mér mjög svo kósí dag í dag, í mjúku fötunum mínum sem ég keypti fyrir sunnan og hreinlega bráðna við mann í kósýheitum, uppi í sófa með góða bók og jólaljós... vantar bara malt og appelsín, með piparkökum og... góðan bangsa ;) Býður sig einhver fram?

Hvað hefur á daga mína drifið frá því síðast?

2007-11-14T22:15:00.000Z

Vá! Hlutir hafa gerst frá því síðast. Ég hef ekki einu sinni kíkt hingað inn í heljarinnar tíma og hef t.d. ekki hugmynd um hvenær síðasta komment kom hérna inn.

Það hefur verið mikið að gera síðustu vikur. Ég er öll að komast inn í hlutina hérna á FSA og er byrjuð að þekkja eina og eina hjúkku með nafni. Sambúðin gengur líka vel.

Það hefur óneitanlega verið tjúttað aðeins. Fyrst er að nefna árshátíð FSA sem haldin var í Sjallanum í október... Vá! Bráðum einn mánuður síðan. Allavega, þar voru menn eins og englaryki hafi verið dreyft í loftræstikerfið, allir með sólheimabrosið allan hringinn og í góðum tjúttgír. Það var ekki hægt að sjá neinn kynslóðamun eða stéttaskiptingu. Allir saman nú :)

Næst á eftir er að nefna Slægjuball heima í sveit þar sem var ótrúlega vel mætt, rútur úr nærsveitum mættu á staðinn og allir dönsuðu saman hvort heldur sem var tjútt, vals, rokk eða bara hopp og mjaðmasveiflur eins og í myndböndunum. Við stöllurnar 5 (ég, Bergþóra, Elva, Ingibjörg og Margrét) hittumst og elduðum saman, ég gerði sósu from scrach sem hann Jón Gunnar hefði þurft að smakka og hefði vonandi rennt niður með góðri lyst :)

Þriðju helgina í röð var tjúttað og í þetta skiptið lagði ég leið mína á minn fyrrverandi vinnustað, Húsavík, þar sem mér var tekið fagnandi úr öllum áttum og mér leið eins og heima hjá mér. Þar var líka dansað og sungið og skrafað og úr varð hálfur sólarhringur af skemmtun út í eitt. Hvernig er annað hægt en að fá hlýju í hjartað sitt við svona viðtökur :)

Ný dönsk lagði líka leið sína til Höfuðstaðar Norðursins og tóku nokkra tóna fyrir áhugasama. Ég, Elva, Ingibjörg og Þóra fórum og þetta var hrein upplifun. Ótrúlega gaman að rifja upp gamla takta og syngja með textum sem maður hefur ekki heyrt í... tja, það skiptir kannski ekki máli hve lengi :)

Síðustu helgi var ég svo að vinna en tók samt smá rúnt niður í bæ með kollegunum og skemmti mér konunglega. Þóra pæja var með Helgu skvísu systur í heimsókn.

Nú er bara að finna tíma til að taka flugið til höfuðborgarinnar í eitt skipti í það minnsta fyrir jól og gera svo ótrúlega margt annað að ég kemst hreinlega ekki yfir það hvað lífið hefur upp á margt gott að bjóða :)

Ég ætla ekki að lofa færslu fljótlega aftur þar sem ég hef ekki minnstu hugmynd um hvort ég get staðið við það þannig að þið verið bara að fylgjast með.

Ég ætla bara rétt í lokin að óska Jóni Gunnari til hamingju með ótrúlegan bata á síðustu vikum. Þú ert sannkallað kraftaverk klaufabárðurinn þinn :)

Raunveruleiki vs. óraunveruleiki...

2007-10-01T19:15:00.001+01:00

Atburðir síðustu daga virðast nánast óraunverulegir. Ég er ekki að sjá þetta fyrir mér allt saman.

Góður vinur minn hann Jón Gunnar lenti í alvarlegu bílslysi sl. fimmtudag og það er nánast læknisfræðilegt kraftaverk að hann skuli vera á lífi. Hann er reyndar enginn venjulegur einstaklingu svo kannski ætti þetta ekki að koma okkur sem þekkjum hann svo mjög á óvart. Þeir sem ekki trúa á örlög myndu segja að röð tilviljana hafi spilað stórt hlutverk í þessu ferli öllu... en ég held að þarna búi eitthvað meira að baki. Örlög? Kannski, ég veit ekki hvað á helst að kalla það, en svona atburðir vekja óneitanlega upp þá spurningu hvort Jóni sé ekki ætlað eitthvert stærra hlutverk í þessum heimi.

Síðustu dagar hafa einkennst af tilfinningasveiflum og mér finnst einhvern veginn svo erfitt að sjá þetta fyrir mér. Þegar ég hugsa um Jón koma upp minningar af matarboðum, veiðimanni í húð og háð, msn tjatti, gleði og etv. einum og einum mojito ásamt svo mörgu öðru. Ég sé hann ekki fyrir mér í sjúkrarúmi, og þó hef ég nú séð ófá andlitin við þær kringumstæður svo ég ætti að eiga auðveldara með þetta. Ég keyrði fram hjá íbúðinni þinni um helgina og hefði svo viljað óska að ég hefði verið með efni í pizzu meðferðis og að þú hefðir komið til dyranna við fyrstu hringingu. En það verður bara næst.

Jón! Það er svo margt sem við eigum eftir að gera saman að ég veit að þinn tími hér er ekki búinn. Þetta styrkir þig vonandi bara enn frekar til lengri tíma litið og þú kemur aftur sterkari en nokkru sinni fyrr. Haltu áfram þinni ótrúlegu baráttu og vita máttu að það stendur hópur fólks að baki þér sem er tilbúið að koma til aðstoðar fyrir hálft orð eða minnstu augnhreyfingu ef þér fipast eitthvað á leið til bata. Einhvers staðar á góðum stað stendur skrifað að ,,Góður vinur er sá er í raun reynist"... og miðað við viðbrögð fólks af þessum hræðilegu fréttum ert þú vinamargur maður.

Ég hugsa til þín að nóttu sem degi og hlakka til að sjá þig aftur sem allra fyrst við góða heilsu.

FSA

2007-09-14T16:10:00.000+01:00

Hef hafið starfsferil minn á FSA eða hvernig sem maður á að skammstafa þetta í dag. Fjórðungssjúkrahúsið á Akureyri heitir nefnilega ekki lengur ,,Fjórðungur" skv. lögum frá alþingi, heldur er bara alveg hreint heilt sjúkrahús og heitir því Sjúkrahúsið á Akureyri. Held ég haldi mig samt við að tala um FSA þar til mér verður skipað að segja eitthvað annað.

En nóg um það. Veðrið í gær var alveg hreint fáránlegt, hífandi rok, lemjandi él eða rigning til skiptis og svo lítið skyggni að varla sást á milli fjalla hérna í firðinum, sem mér finnst frekar furðulegt þar sem Eyjafjörður getur varla talist annað en þröngur fjörður. Þetta minnti óneitanlega örlítið á gráa daga í höfuðborginni. Í dag skartar fjörðurinn hins vegar sínu fegursta, glampandi sól, kalt og snjór efst í fjöllunum og þvílíkt logn að það er eins og fjörðurinn sé ísilagður því þar sést ekki gára á yfirborðinu. Yndislegt alveg hreint! Hlakka til að komast út fyrir veggi sjúkrahússins.

Rúmlega!

2007-09-03T12:25:00.000+01:00

Jebb! Rúmlega... ekki í merkingunni ,,aðeins meira en" heldur í merkingunni ,,að liggja í rúminu".

Nú gætu sumir lesendur fyllst unaðstilfinningu í erli dagsins við þá tilhugsun að fá að eyða deginum í rúminu. Ég verð að viðurkenna að ég hef líka tilheyrt þeim hópi, en í dag finnst mér það bara þreytandi. Er það kannski af því að ég er með stöðugan verk í helv... vi. ökklanum, sem er þrefaldur að þykkt og farinn að verða bláleitur? Gæti verið! Er það kannski vegna þess að tærnar á þessum sama vi. fæti eru svo þrútnar og ljótar á litinn að mann hryllir við að þurfa að horfa upp á þetta? Gæti verið! Eða er kannski málið að mér finnst þessi dofi í téðum tám pínu spúkí? Gæti verið!

En hver er ástæðan fyrir þessu einkennilega ástandi á ökklanum? Tja! Ég skal reyna að útskýra það. Ég á hinn mesta gæðing sem heitir Askur. Hann er hár og tignarlegur hestur sem ber af í stóðinu okkar og allir hafa orð á því hvað hann sé vasklegur klár. Þrási karlinn hafði m.a. sérstakt dálæti á honum. Hann Askur minn stendur líka óneitanlega undir þessum væntingum, hann er þýður og góður hestur en fjárrekstur er honum ekki svo mjög að skapi, allra síst í nágrenni við vélknúin farartæki og ALLS ekki 2 daga í röð. Hérna var nefnilega smalað á laugardaginn og þá fékk ég óneitanlega að prófa smá kúrekatakta eins og að sitja hann rétt á meðan hann prjónaði aðeins (sem ég er nú í æfingu við að gera) og skella mér á bak með bara annan fótinn í ístaðinu og báðar hendur með traustatak í faxinu. Í gær tók svo steininn úr því við fórum út í Gautlönd að ná í fjárhóp sem við áttum þar. Leiðin heim var óneitanlega verulega pirruð af hans hálfu, kippandi í tauminn og hoppandi upp í loftið annað slagið. Þegar við vorum svo komin heim að Gróf tók hann svo smá prjón, beint upp á afturfæturna, ég renn aftur af hnakknum og lendi á tveimur fótum. Þarna stóð ég sem sagt í vegkantinum, með hestinn á tveimur fótum fyrir framan mig og ég hélt enn í tauminn með annarri hendinni einhvers staðar langt fyrir ofan mig. Þegar ég lít upp sé ég í hvað stefni, því Askur karlinn var farinn að falla í átt að mér. Ég væri eflaust ekki hér til að segja frá þessu ef ég hefði bara staðið þarna hvumsa og beðið þess sem óhjákvæmilegt var. Sem betur fer var ég frekar snögg að hugsa og stökk af stað til að forða mér frá því að lenda undir hrossinu mínu en það bara vildi ekki betur til en svo að ég snéri mig á ökklanum og kútveltist niður vegkantinn, sló hausnum eitthvað í en tók sem betur fer ekkert eftir því þar sem ég var með hjálm. Vegsummerkin um höfuðhöggið sáust bara á hjálminum sjálfum. Téður steinn í vegkantinum ku bera nafnið ,,Sólveigarbani" í daglegu tali á heimlinu. Hólmgeir litli frændi minn lýsir þessu ágætlega...: ,,Ég sá bara allt í einu 4 fætur á hrossi spriklandi upp í loftið".

Ég er búin að láta mynda þetta flykki sem ég dröslast nú með á þeim stað sem ég hafði einu sinni vinstri ökkla og fót og ég reyndist óbrotin. En mikið askolli finn ég til í ökklanu og hann er alveg leiðinlega bólginn greyið en ég er heil að öðru leyti og hann Askur minn líka svo þetta er allt í góðu. Ég hökti bara um á öðrum fæti og hækjum en er mest bundin við rúmið og læt mér leiðast en þakka guði fyrir að ég lenti ekki undir karlinum mínum í þetta skiptið.

,,Og hananú sagði hænan og lagðist á bakið!"

F1 - Víti

2007-08-20T00:24:00.000+01:00

Hjúff - er búin að sjá Landhelgisgæsluna að störfum með eigin augum. Stundum hefur það sína kosti að vera vakthafandi læknir á svæðinu. VARÐ bara að koma þessu að rétt sem snöggvast en skrifa betur um þetta síðar og læt þá kannski mynd fylgja með við sama tækifæri.

Sólveig - þreytt og sveitt á vaktinni :)

Æfing björgunar...

2007-08-12T23:29:00.000+01:00

Fékk að fara með Björgunarsveit Húsavíkur í æfingu út á rúmsjó um daginn. Æfingin gekk út á að komast um borð í hvalaskoðunarbát. Ég var dubbuð upp í þurrbúning með hjálm og alles og svo var brunað á 60km hraða í átt að sjóndeildarhringnum. Þetta var ótrúlega gaman. Hárið náttúrulega flaxaðist um allt og ef manni varð það á að opna munninn eða brosa þá flixuðust kinnarnar óneitanlega líka. Ætla ekki að bulla meir en læt myndirnar tala sínu máli :)

Neibb... ég er ekki að skíta á mig... ég er að losa loftið úr búningnum ;)

Hérna erum við svo orðin uppáklædd og bíðum bara eftir því að fá að hoppa um borð í björgunarsveitarbátinn

Hérna er svo báturinn að verða fullmannaður og allir tilbúnir að leggja í'ann.

Helgi tók svo örlítið betur á því en við flest hin, stökk út í sjóninn þegar hann var kominn til baka og svamlaði um himinsæll í slorinu ;)

Þetta var alveg ótrúlega skemmtilegt og ég er komin á úthringilista hjá Björgunarsveitinni fyrir æfingar. Fæ svona sérstakan ,,gestaðgang" :D Ég mæli með þessu ef þið komist í eitthvað álíka.

Loksins myndir... vonandi allavega :)

2007-08-11T16:27:00.000+01:00

Það er komið að því... Ég er loksins í netsambandi hérna heima og er búin að setja inn myndirnar úr nýju myndavélinni og ætla að láta ykkur njóta afreksrar síðustu helgar. Ég, Ingibjörg og Bergþóra höfðum það nefnilega af í fyrsta skipti í allt of mörg ár að halda í ,,árlega" ferð hinna ,,einhleypu, ofurmyndarlegu, yfirmátasvölu, mývetnsku heimasæta,, og stefnan var auðvitað sett á Suðurá :)

Það var ljúft að koma á gamla góða staðinn, hreiðra um sig í kofanum sem var samt helst til skítugur í þetta skiptið og illa um gengið, skella kjötmeti á grillið og bara spjalla og njóta lífsins í afar góðum félagsskap. Við vorum hinar rólegustu og mikil ró farin að færast yfir okkur um hálf 3 leytið þegar allt í einu byrjuðu þvílíkar barsmíðar á kofanum, útidyrnar voru orðnar læstar utan frá og látunum ætlaði aldrei að linna. Það er ekki laust við að sumir (nefni engin nöfn) fengju aðeins fiðring í magann. Þetta reyndust þá vera ungir prakkarar úr sveitinni okkar íðilfögru sem höfðu lagt á sig rúmlega 1,5 klst akstur, keyrt ljóslausir síðasta spölinn og gengið svo síðasta hálfa kílómeterinn til að fullvissa sig um að þeir næðu að koma okkur á óvart. Veit ekki hvort það er nokkuð þörf á að taka það fram, en það tókst allavega hjá þeim. En svo að þið fáið nú að njóta smá sjálf, þá fylgja myndir.

Eins og sjá má rauk vel úr grillinu og við höfðum það af að grilla þessa fínustu kjötbita sem runnu ljúft niður.

Böglís tók vel til matar síns... jafnvel þó kjötið væri af fjórfættum alætum ;)

Ingibjörg einnig en henni fannst held ég kartöflusalatið best... ekki þarf það svo sem að koma svo mjög á óvart.

Hérna gefur svo að líta myndir af ,,draugunum" ógurlegu. Finnst ykkur þau ekki ógnandi? Hehe... þau kunna allavega að gefa frá sér ógnvekjandi hljóð með aðstoð þessa helv... risaskrúfjárns sem þau drösluðu með sér í þessa ævintýraför sína.

Böglís að æfa sig fyrir ,,Iceland's next top model" og tekur sig bara askolli vel út í sólinni... takið bara eftir því hvernig hennar íðilfögru, ljósu lokkar flaxast í golunni ;)

Og hér er svo drossían, Toyota of course sem hefur reynst okkur vel í sumar.

En nú er ég hætt í bili en þið megið vonandi eiga von á fleiri myndafærslum síðar. Njótið helgarinnar hvar sem þið eruð í heiminum :D

Hestar eða flóðhestar?

2007-08-02T15:09:00.000+01:00

Við fórum nokkur í gær að ná í hestana vestur í Heiði enda alveg kominn tími á að fara að þjálfa bollurnar fyrir smölun sem skellur á með haustinu. Bollur segi ég! Jább, þeir eru algjörar bollur og Askur minn er ekki bestur. Hann er með þvílíka ýstru að þegar ég var að þrengja gjörðina á hann þá rann hún smám saman fram á við og fram af bumbunni. Ég lét mér það nægja og skellti mér á bak. Með einn til reyðar og í hópi fleiri hrossa var riðið heim og hesta greyin komust varla áfram yfir eigin þyngslum. Mía, sem ég var með til reyðar og er sannkölluð frekjudós en fyrirgefst það næstum því fyrir að vera afskaplega fallegt hross, er svo feit að hún lítur út eins og flóðhestur á kýrstökki en ekki sem hross á tölti. Ég veit að sumir skilja ekki alveg hvað ég er að fara en reynið bara að sjá þetta fyrir ykkur.

En nú mun vera stíft æfingarprógram í gangi, útreiðar við hvert tækifæri svo bæði hestar og menn hristi af sér nokkur kíló og grömm :D

Annars bara óska ég ykkur góðrar helgar og vona að þið skemmtið ykkur vel en fallega og vonandi í sem bestu veðri :)

Skóhillur

2007-07-28T11:12:00.000+01:00

Nú er komið að því að hylla skóhillur... LOKSINS! Þið kannist vafalítið öll við það að ganga inn í lokað herbergi eða anddyri þar sem liggja mannhæðarháar skóhillur meðfram öllum veggjum, eða er það ekki annars? Það hef ég gert allavega og mér lærðist fljótt að halda niðri í mér andanum þegar maður gengur í gegnum slíkt rými. Rýmið sem um ræðir í þessu tilfelli er inngangur starfsmanna á sjúkrahúsinu hérna á stofnuninni og táfýlan er ólýsanleg og ógleymanleg. Ég brenndi mig á því í nokkur skipti og andaði þarna inni. Ímyndið ykkur fleiri tugi af mikið notuðum skóm, mislokuðum og í öllum regnbogans litum og þessa blöndu af fjölbreyttri táfýlu... JAKK! Ég fæ alveg morgunmatinn upp í háls.

Get ekki meir í bili.

Brotin loforð!

2007-07-27T10:35:00.000+01:00

Jæja! Það er eins og mig minni að ég hafi verið búin að lofa Tælandspistli einhvern tímann. Ekki hef ég staðið við það enn og það verður heldur ekki alveg í bráð. Mig langar líka að setja inn smá pistil um Öskjuferðina og útskriftarveisluna en það verður að bíða aðeins líka þar sem ég ætla að setja inn nokkrar myndir þá líka og það er ekki alveg að gera sig í þessari tölvu (í vinnunni).

Annars er bara glimrandi að frétta af mér. Húsavíkurhátíð hérna í bænum um helgina og íbúafjöldinn margfaldast þar sem brottfluttir Húsvíkingar koma aftur í bæinn og haldin eru hin ýmsu ,,reunion". Það vill svo skemmtilega til að vaktsíminn verður bundinn um mittið á mér með ól þessa helgi svo ég vona bara að allt fari vel fram :)

Svo ætla ég bara að enda þessa stuttu en ákaflega þörfu bloggfærslu (svo þið hin vitið að ég er lífs en ekki liðin) á honum Teiti félaga mínum sem ég held alveg afar mikið upp á þessa dagana:

,,Called the police, put in a report
But no one has reported
Seeing my most wanted one."

Góða helgi hvað svo sem þið gerið til að hafa ofan af fyrir ykkur :)

1408

2007-07-18T09:10:00.001+01:00

Fór í bæjarferð til Akureyrar í gærkveldi og skellti mér í bíó með LóuLóu. Fyrir valinu varð mynd sem heitir því skemmtilega nafni 1408 og með tríeykið Samuel L. Jackson, John Cusak og Stephen King lofaði þetta góðu. Ég varð hins vegar klárlega fyrir vonbrigðum. Hún lofaði góðu í byrjun og vissulega var þetta vel gerð mynd... en geðveikinni náði ég ekki alveg. Hef ekki lesið bókina hans SK um þetta svo ég veit svo sem ekki hversu extreme hún er en myndin fór allavega fyrir ofan garð og neðan, allavega að mínu mati.

Skilaboð dagsins: ,,Eyðið peningnum ykkar í eitthvað annað en þessa mynd."

80's hiti!

2007-07-09T08:55:00.000+01:00

Hálfvitahelginni lokið og stóðst hún væntingar alveg hreint með ágætum. Í troðfullu húsi í Ýdölum tókst Ljótu Hálfvitunum að gera hálfvita úr okkur hinum svo hlátrasköllunum og fagnaðarlátunum ætlaði aldrei að linna. Mjög gaman, MJÖG GAMAN alveg hreint.

En að öðru. Ég keypti mér forláta disk um daginn sem ber titilinn ,,100 íslensk 80's lög" eða eitthvað álíka. Þetta ætti ekki að koma á óvart, allavega ekki þeim sem þekkja mig náið því það er ekki ósjaldan að perlur eins og Cure, Duran Duran, A-Ha og fleiri góðkunningjar fá að svífa á geislanum ef ég fæ að ráða. Þetta diskasafn er bara þrælskemmtilegt og hef ég haft mikið gaman af. Þarna renna áfram ótrúlega mishallærisleg lög, og flest þeirra eitthvað hallærisleg. Textasmíð eru eitthvað minna en í hávegum höfð, svo mjög að mér blöskrar á stundum. VERÐ hreinlega að láta eitt fylgja svona rétt í lokin:

,,I don't want to rock your mother,
I don't want to roll your brother,
I just want to hurry home and...
fock you..."

Og þar hafið þið það. Aldrei betra en að byrja nýja vinnuviku á svona góðmeti. Njótið :D

Sannkölluð hálfvitahelgi fram undan

2007-07-06T15:21:00.000+01:00

Hálfvitar verða það annaðkvöld, og það meira að segja Ljótir Hálfvitar... Hver alla sem vettlingi geta valdið til að mæta í Ýdali og held ég lofi hreint ekki upp í ermina á mér með að þar verði gaman að vera.

Ég hlakka afar mikið til :)

Að segja ,,nei"!

2007-07-03T14:16:00.000+01:00

Í hvað er ég nú búin að koma mér? Úff... fæ hnút í magann við tilhugsunina eina og samt þarf ég ekki að standa við þetta loforð mitt fyrr en í lok sept. Er farin að sjá eftir að hafa ekki afþakkað pent.

Um hvað snýst svo þessi hnútur? Þann 29. sept, Ársþing Læknafélags Íslands... hef ég tekið að mér að flytja erindi... á ensku... og var svo utanvið mig í símtalinu að ég álpaðist til að segja ,,já" og svo fattaði ég ekki einu sinni að spurja út í það hvernig ég ætti að tækla verkefnið eða hvert nákvæmlega verkefnið væri ef út í það er farið. Þetta verður alltént fróðlegt ferli á næstu vikum.

Gúlp!!!

Útskriftarveislan...

2007-06-28T10:52:00.000+01:00

Jæja! Þá er það loksins ákveðið. Ég og Anna frænka mín ætlum að halda sameiginlegt útskriftargrill í sveitinni þann 21. júlí næstkomandi. Þar verða nú líklega nokkur lambalærin grilluð og jafnvel læðist ein og ein pylsa með. Veit ekki alveg hvernig verður með veigarnar en það er allt í vinnslu.

Þið eruð auðvitað öll meira en velkomin en væri gott að fá smá sms ef þið hyggist taka þessu gylliboði.

Vonandi sé ég ykkur sem flest :)

Íslenskir snillingar!

2007-06-23T18:18:00.000+01:00

Íslendingar eru og verða snillingar. Þegar ég var spurð að því í Malaví hvernig Íslendingar væru sagði ég hreint út að við værum geðveik, og meinti það alveg hreint. Upp til hópa högum við okkur eins og fólk í maníu, keppumst við náungann út í eitt um stærri bíl, flottara hús, nýrri eldhúsinnréttingu og bara nefniði það, við gætum búið til samfélagskeppni úr því.

Met dagsins á samt ónafngreindur maður (sem er samt nafngreindur í skoti Fréttablaðsins í dag) sem var tekinn fyrir smygl í Brasilíu... manngreyið hélt að hann væri að smygla kókaíni en það reyndist vera barnapúður. Pæliði í því að vera svo dæmdur til að sinna samfélagsþjónustu fyrir að smygla barnapúðri inn til Brasilíu... HAHAHA! Þetta finnst mér fyndið.

Flýgur fiskisaga!

2007-06-23T12:26:00.000+01:00

Svei mér þá. Haldiði ekki að steggirnir hafi beðið mín í morgun þegar ég kom út... og það 6 í þetta skiptið í stað þriggja hingað til? Greinilega gott orð sem fer af manni hérna í bænum ;)

Gullkorn dagsins

2007-06-19T10:17:00.000+01:00

Er komin með nýja flugu sem ég ætla að reyna að halda við í sumar... ,,Gullkorn dagsins" og það er hinn færeyski Teitur sem ríður á vaðið og á án efa eftir að eiga nokkur gullkorn í viðbót því textarnir eru nú hreint ekki af verri endanum þar á bæ.

"Certain things are best kept for night time
Like making tea and making babies..."

Og þar hafið þið það mín kæru :)

Ófriður!

2007-06-07T10:54:00.001+01:00

Hvaða heilvita manni dettur í hug að byrja að munda graddann sinn í íbúðarhverfi kl 7 að morgni??? Það er allavega ekki eitthvað sem ég myndi samþykkja sem nágranni og var því lítt hrifin í morgun. Sendi illar hugsanir þessum einstaklingi en það bar engan árangur, hann hélt bara áfram svo ég hoppaði í sturtuna, nánast of snemma :(

Sumarblíða :)

2007-06-06T12:00:00.000+01:00

Ég er alveg að semja langan pistil um Tæland sko... en hann er bara í tölvunni minni en núna er ég í vinnunni og bara VARÐ að skella inn nokkrum línum af því það er orðið svo óskaplega langt síðan ég skrifaði eitthvað hérna síðast.

Ég er sem sagt formlega búin að ljúka námi við Háskóla Íslands, útskrift eftir nokkra daga bara. Furðulegt alveg hreint. Ég er náttúrulega strax byrjuð að skoða námsskrár háskólanna í dag og hvað þeir bjóða upp á í fjarnámi... hversu sorglegt sem það er. Ég er allavega búin að ákveða að taka spænsku í fjarnámi frá VMA næsta vetur (þið minnið mig á það kannski síðsumars...)

Ég er mætt með síðustu vorfuglunum hingað á Húsavíkina og er tekin til starfa. Ég fæ náðasamlegast að búa í lítilli kjallaraíbúð með útsýni yfir Kjötiðjuna og aðeins smá út á sjó. Get samt ekki kvartað, allt betra en litla stúdentagarðaholan mín fyrrverandi. Orðið af nýrri kerlu í bænum hefur greinilega breiðst út því að þegar ég var að bera dótið mitt inn á mánudaginn þá kom steggur aðvífandi og sýndi mér mikla lotningu. Í gær voru þeir svo orðnir 3 steggirnir sem biðu mín í garðinum þegar ég kom heim. Þetta voru reyndar Grænhöfðasteggir en ekki mannlegs eðlis en þessir mannlegu hljóta að fylgja á eftir, ekki geta þeir verið eftirbátar fiðurfésins... eða hvað? ;)

Ég er full bjartsýni með gott sumar.

Taelandi i Thailandi...!!!

2007-05-20T05:44:00.000+01:00

Unadur... Ekkert annad ord yfir tetta. Eg hef sem sagt verid sidustu vikuna herna i Thailandi i afsloppun og ad kynnast landi og tjod og likar mjog vel. Eftir 3 tima flug fra Keflavik til Koben og tadan 11 tima til Bangkok lentum vid treytt og velkt i 32 stiga hita og byrjudum ad svitna um leid... eda eg allavega enda af tekktu svitakyni ad nordan ;) (hljomar vel finnst ykkur ekki...???)

Fyrstu 2 dagana vorum vid i Bangkok ad runta um borgina og skodudum m.a. munkahof og konungshollina. Einnig forum vid nokkur i hjolreidatur i uthverfi Bangkok sem var otrulegt. Vid hjoludum um taeplega metersbreida, steypta stiga sem eru i um 1-2 metra haed fra jordu og her eru engin handrid neitt tannig ad tad munadi nokkrum sinnum ormjou ad menn steyptust fram af og i eitt skiptid munadi bara hreinlega engu og einn gaurinn steyptist nidur og hvarf a kaf i grodurinn. Hann skadadist samt ekkert svo vid hin gatum hlegid okkur mattlaus af oforum hans eins og Islendinga er sidur. Stigarnir eru i raun eins og gotur og fra teim liggja heimreidar inn i hus torpsbua og ta meina eg INN i husin hreinlega. Verd ad reyna ad koma inn myndum vid taekifaeri tvi tad er ekki einfalt ad utskyra tetta.

Sidustu 3 daga hofum vid svo verid i nordurhluta landsins tar sem vid skiptum um gervi og skelltum okkur i bakpokaferdalangabuninginn og orkudum um med allan farangur a bakinu, talgadan bambusstaf i hond, snaeddum nudluretti a bananalaufum med bambusprjonum talgudum a stadnum, odum ar, klifum fjoll og sukkum i ledju til skiptis. Gistiadstadan var agaet en svafum a dynum og adra nottina i einni storri flatsaeng. Faestis sofnudu samt fyrr en eftir einhverja barattu vid skordyr af mismunandi staerdum en tetta var sannkallad aevintyri. Eg hafdi tad meira ad segja af ad pissa i holu i fyrsta skipti a aevinni og er bara ordin von tvi nuna. Jebb... fyrsta holan min ad baki, slapp nefnilega alveg vid taer i Malavi otrulegt en satt en tokst einhvern veginn ad halda i mer tegar holur voru tad eina sem var til boda. Tessi ferd var hreint otruleg og eg svaf betur vid tessar bagbornu adstaedur med skordyra- og fuglasong (t.a.m. hanagal fra kl 4 um nottina) en a hotelunum, reyndar med adstod eyrnatappa.

Her er folkid otrulega vingjarnlegt og kurteisin drypur af hverjum fingri, nuddid kostar ekki neitt (400 ISK/klst) og maturinn er svo ljuffengur er nanast gefins i tokkabotad tannig ad eg tyngist abyggilega herna. Eg minntist a jardskjalfta adeins um daginn, hann atti semst upptok sin i Laos en krakkarnir fundu hann herna. Eg fretti hins vegar af honum daginn eftir og vard ekkert vor vid tetta, sennilega vegna tess ad eg var i nuddi tegar a honum stod svo eg hef sennilega verid half utan vid mig eitthvad.

En nu er eg alveg andlaus i bili svo frekari fregnir fra Thaelandi verda ad bida betri tima.

Kv.

Thailand

2007-05-17T08:02:00.000+01:00

Bara orstutt. Erum ad leggja af stad upp i fj0llin. veit ekki med simasamband tar. laet heyra fra mer tegar eg kem til byggda aftur a laugardaginn..

Heyrdi fyrst i dag ad tad hefdi verid jardskjalfti herna i gaer, 6,1 a richter. Eg var bara afsloppud i nuddi tegar tetta gerdist og fann ekki neitt.

Hvar er draumurinn...???

2007-05-09T23:51:00.000+01:00

Hvar ertu lífið sem ég þráði? Leynist þú bak við þetta síðasta próf mitt í læknadeild sem þreytt verður e. um 34 klst og verður lokið e. um 38 klst? Hvað gera Danir ef svo reynist ekki vera... eða kemur það þeim kannski ekkert við? Fæ ég yfir höfuð að útskrifast 16. júní?

Kemst Eiríkur rauði áfram úr undankeppninni annaðkvöld og mun ég þá sjá hann í úrslitakeppninni á skjá á Kastrup-flugvelli á laugardaginn?

Þegar stórt er spurt verður fátt um svör.

Trambólín

2007-05-08T18:47:00.000+01:00

Ég hef alltaf haft mjög gaman af trambólínum og missi alveg tökin þegar ég kemst á slíkt apparat. Hef einhvern veginn alltaf ætlað að hafa eitt stórt í garðinum mínum fyrir utan húsið mitt með arninum (framtíðin sko...) en nú er ég ekki viss. Það getur líka reynst hættulegt að hafa þau með öryggisneti nefnilega. Þetta er bara SVO hræðilegt að ég er gráti næst. Ekta slys sem hefði verið hægt að fyrirbyggja með eftirliti.

Eurovision 2007

2007-05-08T18:40:00.000+01:00

Haldiði að ég hafi ekki gert skemmtilega uppgötvun í gærkveldi? Benni beauty er trommuleikarinn í eurovisionhópnum okkar í ár. Úff... ég verð sko í klappstýruliðinu á fimmtudaginn :D

Hvenær er framhjáhald framhjáhald og hvenær ekki...?

2007-05-06T15:10:00.000+01:00

Þetta finnst mér skemmtilegt, kannski er það bara af því ég er í próflestri. Tékkið endilega á þessu og segið skoðun ykkar :)

Guð minn góður!

2007-05-06T01:05:00.000+01:00

Það fór um mig hrollur í dag þegar ég sá fréttirnar... (ótrúleg tilviljun að ég hafi verið að horfa á fréttirnar, það er ekki alveg efst á listanum í próflestri)

Frétt nr. 2 snérist um flugslys. Ný Boeing þota frá Kenya Airways fórst með 114 manns innanborðs. KA er einmitt flugfélagið sem við flugum með til Malaví í vetur og líkaði mjög vel. Það er talið eitt af öruggustu flugfélögum í heiminum en slysin gera ekki boð á undan sér. Það verður spennandi að fylgjast með hver orsökin var fyrir slysinu. Ekki laust við að maður spyrji sig hvort kemur að þessu líka hjá íslensku flugfélögunum... Úff, get ekki hugsað um það einu sinni án þess að fá hroll.

Frétt nr. 3 snérist um flótta menntaðs fólks frá Malaví og þá helst lækna. Er ekki eitthvað afar furðulegt við þá staðreynd að fleiri malavískir læknar séu starfandi í Manchester á Englandi en í öllu Malaví? Mér finnst það hreinlega út í hött. Ég skil reyndar ástæðuna og við töluðum einmitt aðeins um þetta við heimamenn þann tíma sem við dvöldum í landinu og þetta er virkilegt vandamál. Það merkilegasta við þessa frétt var samt að sjá kunnugleg andlit í fréttaskoti frá Afríkuríki. Þarna voru nefnilega bæði George Manjolo og Catalera mættir á skjáinn og ekki laust við að malavíski hluti hjarta míns tæki nokkur aukaslög af gleði við það :)

En aftur í bækurnar. Eigið góðar stundir hvar sem þið eruð í heiminum :D

Próftíð :)

2007-05-05T01:03:00.000+01:00

Ég verð að viðurkenna að ég er ekki laus við örlítinn kvíðahnút í maganum fyrir þessu síðasta prófi mínu í læknadeild sem bíður mín þann 11. maí n.k. Hversdagslegir hlutir eru farnir að taka of langan tíma að mínu mati, ég ríf í mig mat á sem stystum tíma og helst eitthvað sem þarf lítið sem ekkert að elda. Allt annað er háð kaflaskiptum... þegar þessi kafli er búinn stend ég upp í 5 mín og fæ mér vantssopa og nota jafnvel tímann vel og skelli mér á VC, þegar næsti kafli er búinn gríp ég einn ávöxt til að svala þörmunum og slæ þannig 2 flugur í einu höggi með því að hafa ofan af fyrir þeim á meðan ég les þriðja kaflann og að honum loknum tek ég ca. 30 mínútna pásu... Inn á milli verða pásurnar reyndar lengri og þá verður erfiðara að koma sér að lestri aftur. Ég fór t.d. í mat til Margrétar í fyrrakvöld en þar er Ingibjörg einmitt stödd þessa dagana. Maturinn var mjög svo ljúffengur eins og vanalega og það var eitthvað svo kósí og gaman að vera hjá þeim að ég gat ekki fengið mig til að ganga út kl 9 eins og ég hafði hugsað mér til þess eins að koma hingað í holuna mína og lesa... ein... langt fram á kvöld. Neibb, það var bara ekki hægt.

En bara 6 lestrardagar eftir svo þetta er allt að hafast. Ég ætla einmitt að taka ferðatöskuna fram á morgun og byrja að henda í hana því sem ég ætla að taka með til Tælands, svona þegar ég man eftir einhverju sérstöku. Annars enda ég pottþétt með fulla tösku af dóti sem ég þarf ekkert að nota alla ferðina og mig myndi einmitt vanta allt það nauðsynlegasta. Þannig er það bara þegar maður þarf að pakka á 2 tímum. Ohhhh... ég hlakka SVO til að fara út :D

Thailand baby... Thailand, here I come!!!

Fegurðarsamkeppnir...

2007-04-28T22:38:00.000+01:00

Er að velta fyrir mér hvort að sú regla sé enn við lýði í fegurðarsamkeppnum kvenna að barneignir útiloki þáttöku... engar mömmur takk???

Ætli það sama gildi um þátttöku karla í svona keppnum? Er bara að spá af því að Hr. Heimur keppnin er í gangi á Skjá 1 núna...

What's up?

2007-04-27T21:15:00.000+01:00

Ætla að skella inn litlu fréttaskeyti hérna í tilefni þess að ég er þreytt á lestri :)

Síðustu helgi brunaði ég heim í sveit til að vera viðstödd fermingu Ástu frænku. Hún er náttúrulega alveg ótrúlega sæt skvísan og bara alveg hreint myndarlegasta fermingarbarn sem ég hef séð frá upphafi svei mér þá. Sjáið bara sjálf...

Hérna eru fermingar systkinin og svo Ástan ,,litla" við veisluborðið með bros á vör.

Veðrið um helgina var alveg ótrúlega furðulegt, það kyngdi niður snjó á föstudeginum og ég keyrði norður í leiðinlegasta slyddu/slabb/hríðarveðri sem um getur. Svo var alveg snjóhvítt bara og gæsirnar voru auðveld bráð ef einhverjum hefði dottið í hug að skjóta á þær. Þær reyndu að finna sér bletti þar sem styst var niður á jörð en það tókst nú misvel hjá þeim og andagreyin reyndu að synda í gegnum krapið á tjörninni (á ekki mynd af því). Það var hins vegar heitt á daginn, alveg 5-7 stiga hiti svo þetta var mjög furðulegt.

(vona að þið sjáið gæsagreyin sem dökku dílana...)

Svo verð ég bara líka að halda í hefðina með að sýna myndir af krílunum heima. Þau voru hressari sem aldrei fyrr og eru farin að tala út í eitt. Þau verða óstöðvandi áður en langt um líður.

Katla skvís, lokuð uppi á lofti...

Bárði finnst mjög spennandi að fikta í hliðinu þessa dagana og þó það líti út fyrir að hann sé fangi, lokaður bak við rimla á þessari mynd þá hefur hann mjög gaman af þessu og er ævinlega að fikta í hliðinu. Hann á eftir að fatta hvernig maður opnar áður en langt um líður.

Annars er fátt nýtt sem drífur á daga mína, les hérna lyflæknisfræði og uppgötva svo sem alltaf eitthvað nýtt á hverjum degi... held reyndar að þessi lestur sé farinn að taka sinn toll því það er komin einhver innri óeirð í mig og ég held tangarhaldi í bækurnar til að henda þeim ekki frá mér og gleyma mér í kæruleysi og tilhlökkun fyrir Tælandsferð. Ætla líka að skella mér á Diktatónleika í kvöld sem ég hlakka þvílíkt til að fara á, svo þið sjáið að það þarf alveg óskaplega lítið til að kæta mig :)

Verð líka bara að minnast að ég fór í bíó um daginn, á mynd sem heitir ,,the Shooter" með Mark Wahlberg í aðalhlutverki og einhverri skvísu sem fór alveg ótrúlega mikið í taugarnar á mér fyrir mjög sterkan suðurríkjahreim. Myndin er ósköp þunn en ágætis afþreying og ég veit um allavega eina sem gæti átt eftir að slefa nokkrum munnvatnsdropum yfir MW... (IB).

En best að læra smá meira um nýrun áður en ég skelli mér í bæinn. Aldrei að vita hvenær það gæti komið sér vel að slá um sig á börum borgarinnar með fróðleik um sýru/basajafvægi... HAHAHA... :D

Gleðilegt sumar og takk fyrir veturinn

2007-04-19T22:19:00.000+01:00

Jæja gott fólk! Það er komið sumar... eins og segir í laginu. Þó að veðrið hafi verið einstaklega fallegt hérna í höfuðborginni í tilefni dagsins þá var ekki laust við að það væri aðeins kalt, en sólin skein og það blakti varla hár á höfði. Veturinn klikkti út með stórviðburðum í miðbænum þar sem sannarlega var heitt, annarsvegar í eldinum í Pravda og hins vegar í heita vatninu á Laugarveginum. Ótrúlegt alveg... en Pravda var líklega heitasti staðurinn í bænum um tíma ;)

Hér gefur að líta það sem eftir er af staðnum sem hefur verið viðkomustaður læknanema eftir vísindaferðir síðustu misseri, en hann má muna fífil sinn fegurri.

Ég get svo sem ekki sagt ykkur neinar stórfréttir. Ég er á leiðinni heim í sveit í dag, ferming hjá systur minni, eða já öllu heldur dóttur systur minnar á morgun og svo bara brun í bæinn aftur á sunnudaginn. Hvernig þetta fer með lestur skín alveg í gegn, en það verður bara að hafa það. Ásta skvís fermist líklega bara einu sinni og ég vil ekki þurfa að missa af því takk fyrir. Verð bara að láta nokkrar myndir af litlu krílunum fylgja með.

Katla skvísan hefur frekar sérstakan smekk, hún rífur í sig heyið frá kindunum með bestu list. Hún stendur í garðanum og velur sér bestu tuggurnar úr rígresisrúllunum og hérna er hún einmitt alsæl með lúku, sérvalin frá lambsmóðurinni, sem gefur að skilja fær besta heyið ;)
Það rifjaðist reyndar upp fyrir mér að eitt það sem manni fannst einna best í den var að komast í rígresið í votheysturninum svo kannski er margt líkt með skyldum þegar allt kemur til alls.

Hérna er svo Bárður meistari aðeins að taka til í fjósinu. Ótrúlegt hvað fata, skófla og smá sandur getur haft ofan af fyrir þessum litlu dýrum. Ég var reyndar virkur þáttakandi í þetta skiptið en það festist ekki á digital form :D

Hætt í bili. Ég óska ykkur öllum gleðilegs sumars og vona að það reynist ykkur öllum einstakt.

Ofbeldisfullt Draumaland...???

2007-04-15T13:50:00.000+01:00

Hvað er í gangi eiginlega? Fyrir nokkrum morgnum vaknaði ég með verk í nefinu og var helaum á mótum brjósks og beins. Ég hélt fyrst að þetta væri tengt kvefinu mínu eða að ég væri hugsanlega komin með sýkingu því þetta var bólgið allt líka. Eða var ég kannski kýld í Draumalandinu? Tja... maður spyr sig.

Í morgun vaknaði ég svo að drepast í hálsinum. Ekki svona eins og þegar maður er með hálsbólgu heldur eins og að ég hafi verið lúbarin á barkann, þið vitið svona eins og menn fá í bíómyndunum. Það er vont að kyngja og mjög svo vont að koma við hálsinn bara allan nánast.

Ég held hreinlega að ég verði að fara að skipta um Draumaland. Það er eitthvað athugavert við þetta allavega.

Fæðingalæknisfræði...

2007-04-14T14:59:00.000+01:00

Játs!

Sit hérna með krosslagðar fætur og langar í augnablikinu ekkert að eignast börn... EVER, bara að ættleiða. Er nefnilega farin að lesa fæðinga- og kvenlæknisfræði og er í augnablikinu að lesa um fæðingar og viðgerðir á afleiðingum þeirra... Jakk! Veit að allavega sumir lesendur mínir vita hvað ég er að fara með þessu :/

Mánuður í prófið :/

2007-04-12T22:56:00.000+01:00

Jæja gott fólk! Ég er á lífi, ekki það reyndar að ég láti mér detta í hug að fólk efist eitthvað um það eftir bara nokkra daga blogghlé, en það má alltaf vona ;)

Ég ætla bara rétt að deila með ykkur hugleiðingu minni um nýtt slagorð 10-11 búðanna sem bylur á hljóðhimnum manns í hvert skipti sem maður opnar útvarp. ,,Ekki flækja lífið..." Er líf okkar nú orðið svo óendanlega flókið að við getum ekki lengur eldað eða skellt okkur í lágvöruverslun, sem er orðnar nánast á hverju götuhorni? Eða er bara svona ofboðslega einfalt að láta hreinlega ræna sig í 10-11 um hábjartan dag og það jafnvel í miðri viku? Ég get æst mig yfir fáránleika þessarar auglýsingar. Þýðir það þá að ég vil flækja lífið? Er ég kannski föst í viðjum míns of flókna Bónus-lífs?

Tja! Maður spyr sig...

Fleiri myndir af fjöri Páskahelgarinnar :)

2007-04-08T12:59:00.000+01:00

Jæja! Ætla að standa við loforðið sem ég gaf í síðustu færslu um að birta fleiri myndir af skemmtunum páskahelgarinnar. Fyrst ætla ég að láta fljóta með fleiri myndir frá Hvanndalsbræðrum á Skírdag.

Hér eru þær Heiðar-systur allar komnar saman á tjútt í höfuðstað Norðurlands og farnar að taka aðeins í hvora aðra... þó ég leyfi mér að halda því fram að þær hafi nú eflaust nokkrum sinnum áður tekið ívið meira í hvora aðra ;)

Ef þessi mynd er aðeins hreyfð þá er það bara merki um hvað var gaman hjá okkur. Þið sem voruð ekki á staðnum misstuð af miklu en voruð án efa með okkur í anda :)

Þegar koma saman svona margar fyrrverandi bekkjarsystur er ekki annað hægt en að festa þær á filmu og ekki er nú síðra tilefni þegar þær eru svona fjallmyndarlegar allar saman ;)

Að kvöldi föstudagsins langa var svo haldið á tónleika Ljótu hálvitanna í Skjólbrekku og kom berlega í ljós að þeir bera nafnið með rentu og eru hver öðrum furðulegri í útliti. Þeir hins vegar syngja af þvílíkri innlifun og af einskærri gleði sem skín svo í gegn að maður getur ekki annað en hrifist með og haft gaman af. Textarnir þeirra eru líka ákaflega hnittnir og skemmtilegir og fjalla um daglegt líf en minna um rómantík og álíka bull ;) Eftir tónleikana var svo fjörinu haldið áfram í Seli við undirspil og þar gafst sko tækifæri til að dansa og drekka örlítið meir (vatn auðvitað eingöngu... hóst!), taka nokkur dansspor í viðbót og tjútta agnarögn til viðbótar. Það þarf því varla að hafa orð á því einu sinni að úr varð hið skemmtilegasta kvöld frá upphafi til enda, allt frá prepartýi hjá Ingibjörgu yfir í tónleika, millipartý hjá Ingibjörgu og svo að lokum á balli í Seli :)

Ok, þessi mynd er kannski ekkert frábær... en reynið sjálf að sjá myndarlegan mann á sviðinu...

Hérna tók Ólöf líka vel á því í tunguleikfiminni og er ég ekki frá því að hún hafi kvartað yfir strengjum í tunguvöðvunum í gær eftir erfiðið ;)

Og hér er svo hún ég sjálf í mínu fínasta pússi og með bros á vör í tilefni dagsins :)

En nú er líklega komið meira en nóg. Miðað við hvað mér hefur gengið illa að koma þessari færslu saman verður spennandi að sjá hvort mér tekst að birta hana... Látum allavega reyna á það :)

Heima og Hvanndalsbræður...

2007-04-06T13:41:00.000+01:00

Ég er komin heim í sveitasæluna og verð hér í vellistingum þar til páskahátíðin er afstaðin. Fyrsta morguninn kom hann Bárður litli frændi minn og vakti mig náðasamlegast og við mikinn fögnuð eins og þið getið ímyndað ykkur. Hann fékk að launum að máta bikini-toppinn minn, hann passaði reyndar ekki alveg en flottur er hann karlinn.

Hérna hafa líka gerst undur og stórmerki, því hérna fæddust lömb... í mars. Segið svo að rómantíkin blómstri ekki í sveitum landsins enn ;)

Hérna er einmitt litli kúturinn að kljást við ,,kisa"

eins og hann kallaði það í byrjun,

en þetta er allt að koma hjá honum :D

Hérna er svo litla daman á heimilinu að taka til hendinni í skítmokstri sýnist mér. Hún kom einmitt inn áðan með skít á fingrunum, glennti fingurna framan í mig og sagði hátt og skírt: ,,Kiindakúúúku...". Geri aðrir betur, ég segi nú ekki annað ;)

Í gærkveldi var svo smalað í bíla og brunað á 3 vel fullum bílum til Akureyrar til að berja Hvanndalsbræður augum og hlýða á tóna þeirra og ilhýran söng. Á þessa bræður hef ég aldrei hlýtt áður, allavega ekki meðvitað. Ég komst reyndar að því að ég þekkti nokkur lögin þeirra, sennilega hafa þau sýjast inn af Rás2 eða eitthvað. Þessir bræður eru algjör snilld, slá á mjög svo létta strengi inn á milli og eru bara nánast með uppistand. Textasmíðar þeirra eru heldur ekkert ástarhjal endalaust heldur reyna þeir að segja sögu. Þeir voru einnig með bingó, happadrætti, föndurhorn og ég veit ekki hvað.

Hérna má einmitt sjá hve vel þeim tókst til að

föndra páfagauk úr mislitum pappírsörkum ;)

Félagsskapurinn var ekki heldur af verri endanum, gamlar góðar vinkonur og fjölskyldumeðlimir og svo sannarlega kátt á hjalla :)

Hérna má sjá Jóhönnu og Ingibjörgu fagna þeim bræðrum innilega...

Og hérna eru svo yfirlýstar systur, Vala og Bergþóra... (helv... myndavél :( )

Ég ætla að skella inn fleiri myndum hérna við tækifæri, en þar til ég fæ þær hjá henni Ólöfu minni verðið þið bara að láta þessar duga í bili. Í kvöld eru það svo Ljótu hálfvitarnir, sem (eins og áður hefur komið fram hér á þessari síðu) óþarft er að taka fram hvaðan eru ;) Þið fáið frekari fréttir af því síðar.

Slátur...!!!

2007-04-02T20:37:00.000+01:00

Ó já lesendur góðir... SLÁTUR! En ekki lifrarpylsa eða blóðmör eins og borin er fram í sveitinni, og ekki blodpudding eins og þeir gera í Svíjaríki, ónei ónei, þetta blogg verður tileinkað annars konar slátri...

Ég gleymdi nefnilega alveg að minnast á hápunkt laugardagsdjammsins... Ég endaði nefnilega á Óliver eftir tónleikana og hékk þar með 3 mismunandi gengjum eftir því sem kvöldið drógst á langinn. Einmitt á þeim tíma sem ég sat við borð með Betu, Siggu og fleirum þá kemur eitt stykki Skoti labbandi fram hjá borðinu. Ég reyndar veit svo sem ekki hvort hann var frá Skotlandi... en hann var allavega í skotapylsi. Einhvern veginn æxlast nú málið svo að hann er eitthvað að reyna að komast fram hjá Siggu, svona pínu vandræðalegt eins og þegar maður ætlar að víkja til vinstri og manneskjan á móti víkur til hægri (frá henni séð) og svo sviss þar til menn hafa dansað salsa þarna í einhvern tíma... (Sorry! Nú missti ég mig aðeins :/) Allavega! Sigga gerði það sem margir hafa hugsað en ég hef aldrei séð neinn framkvæma áður, hún kippti pylsinu upp... og mítan er sönn...!!! Ó já, því við henni og okkur hinum við borðið blasti þetta líka litla slátur (kannski sönnun á annari mítu með að Skotar hafi stór reður). Við vissum ekki alveg hvernig við áttum að bregðast við né hvernig hann myndi bregðast við... Við allavega sprungum úr hlátri og fórum nett hjá okkur... Skotinn var bara pollrólegur og reyndi að sannfæra okkur um að nú væri komin röðin að okkur. Hann hafði samt ekki erindi sem erfiði en maður gæti velt því fyrir sér hvort þetta sé einmitt tilgangur hans með því að mæta í skotapylsi á djammið...!!!

Þetta ætti maður allavega alveg að geta kallað... slátur í beinni!

Njótið heil!